Հրաձգությունը սկսվել է Ջոնսբորո քաղաքում դպրոցի մոտակա ավտոկայանատեղիում, մի մարդ է զոհվել, մեկն էլ վիրավորվել։ Այս մասին ասվում է Կլեյտո օկրուգի ոստիկանության հայտարարության մեջ, փոխանցում է ՏԱՍՍ-ը։
Fox News հեռուստաալիքի տեղական մասնաճյուղը նշում է, որ խոսքը երկու կանանց մասին է, սակայն պաշտոնապես այս տեղեկությունը չի հաստատվել։ Զոհվածի ու տուժածի ինքնությունը չեն հայտնում։ Հեռուստաալիքի տվյալներով՝ հրաձգությունից հետո սկսվել է խուճապ, որի հետեւանքով տուժել է մի հղի կին։
Ոստիկանության տեղական ստորաբաժանման ղեկավար Թոմաս Թրեւիկը, որը պատասխանատու է ուսումնական հաստատությունների անվտանգության համար, ABC –ի եթերում հայտնել է, որ կրակը բացվել է ավարտական երեկոյից հետո։ Նրա խոսքով՝ հրաձգությանը նախորդել է վեճ արարողության մասնակիցներից մի քանիսի միջեւ։
One woman dead, another shot, pregnant woman trampled in a parking lot of Mount Zion High School, across the street from a graduation ceremony. Stay with @FOX5Atlanta for more details pic.twitter.com/wn0JjolMxn
— Jaclyn Schultz FOX 5 (@jaclynFOX5ATL) 19 мая 2018 г.
