Նախօրեին Կուբայում կործանված օդանավը 104 ուղեւոր էր փոխադրում, իսկ անձնակազմի անդամների թիվը վեցն էր։ Այս մասին հայտնել է մեքսիկական Global Air ավիաընկերությունը, որը հայտնի է նաեւ որպես Damojh։ Հենց այդ ավիաընկերությանն էր պատկանում կործանված օդանավը, փոխանցում է ՏԱՍՍ-ը։
«Boeing 737 օդանավը վթարի է ենթարկվել, երբ կատարում էր Հավանա-Օլգին չվերթը Cubana de Aviacion ընկերության համար՝ 104 ուղեւորներով ու անձնակազմի 6 անդամներով»,- նշվում է փաստաթղթում, որը հրապարակվել է ավիացիոն թեմատիկային նվիրված Transponder 1200 թվիթեր ալիքում։
Este es el comunicado oficial de Global Air sobre el accidente con el vuelo CU972, operado por el Boeing 737-200 matrícula XA-UHZ. Los dos pilotos y las tres tripulantes de cabina son nacionales mexicanos, mientras que el técnico en mantenimiento, cubano. https://t.co/Ba0SeA3gSn pic.twitter.com/ycsMr3JoGR
— Transponder 1200 (@Transponder1200) 18 мая 2018 г.
Մեքսիկայի կապի ու տրանսպորտի նախարարության տվյալներով՝ անձնակազմի հինգ անդամները, այդ թվում օդաչուները, մեքսիկացի են եղել։ Ընկերությունը, որին պատկանում էր օդանավը, ստուգում էր անցել 2017-ի նոյեմբերին ու ուներ ծառայություններ իրականացնելու համար բոլոր անհրաժեշտ փաստաթղթերը։
Օդանավը ընկել էր օդ բարձրանալուց մի քանի րոպե հետո՝ օդանավակայանի ու Սանտյագո –դե –Լաս-Վեգաս բնակավայրի միջեւ գտնվող տնտեսվարական գոտում՝ Հավանայից մոտ 20 կմ հարավ։ Վթարից հետո չորս մարդ է հոսպիտալացվել, սակայն նրանցից մեկը հետագայում մահացել է։