Առնվազն ութ մարդ է զոհվել, 45-ը տուժել Ջելալաբադ քաղաքի մարզադաշտում տեղի ունեցած մի շարք պայթյունների հետևանքով, հայտնում է ՌԲԿ-ն՝ վկայակոչելով Նանգարխարի նահանգապետ Աթթաուլախա Խոգիանիին։
Նրա խոսքով՝ երեք պայթյուն է տեղի ունեցել կրիկետի խաղի ժամանակ, ինչի հետևանքով 45 մարդ է վիրավորվել։ Պայթյունների հետևանքով զոհվել են նաև կրիկետի մրցաշարի կազմակերպիչն ու Մեխթարլամի փոխքաղաքապետը։
Քաղաքապետը նշել է , որ տեղի թիմերի միջև հանդիպումը կազմակերպվել էր մուսուլմանների համար սրբազան Ռամադան ամսվա շրջանակում։ Tolo News-ի տվյալներով «Թալիբան» ահաբեկչական կազմակերպությունը հերքում է իր մասնակցությունը պայթյուններին։
Մայիսի 16-ին հայտնել էին, որ Ֆարահ քաղաքի համար մղվող մարտերում ոչնչացվել է մոտ 300 զինյալ։