Ուկրաինայի նախագահ Պյոտր Պորոշենկոն հայտնել է, որ Ռուսաստանը որպես ագրեսոր երկիր պատասխան է տալու այն հանցագործությունների համար, որոնք իրականացվել են ուկրաինական ժողովրդի դեմ։ Համապատասխան հայտարարությունը տեղադրվել է Ուկրաինայի նախագահի կայքում։
«Վստահ եմ, որ ագրեսորը պատասխանատվություն է կրելու եւ Կերչի կամրջի ապօրինի շինարարության, եւ մյուս հանցագործություների համար՝ ռուսաստանցիներին այդ կամուրջը պետք կգա որպես նահանջելու ճանապարհ։ Իսկ Ուկրաինան Ղրիմում իր ինքնիշխանբությունը վերականգնելուց հետո այդ կամուրջը կօգտագործի Կուբանի հետ կապերի համար, որտեղ ի դեպ մեծ քանակությամբ ուկրաինացիներ են ապրում։ Ու մյուս՝ ոչ ագրեսոր Ռուսաստանի հետ կապերի համար»,- ասել է Պորոշոնկոն ։
Նախագահը նաեւ նշել է․ «Ստալինի սիրահարների ակումբը, որը հիմա կառավարոմ է Կրեմլը, վերականգնել է Ղրիմի թաթարներին հետապնդելու քաղաքականությունը։ Ղրիմում «Ռուսական աշխարհը» Ղրիմի թաթարների հանդեպ վառ ատելություն ունի։ Մեր հազարավոր հայրենակիցները՝ Ղրիմի թաթարները ու էթնիկ ուկրաինացիները ստիպված են լքել հայրենի տները՝ կյանքին սպառնացող վտանգի պատճառով»։
«Օկուպանտները, խախտելով միջազգային իրավունքը, փոխում են ժողովրդագրական իրավիճակը օկուպացված ուկրաինական տարածքում՝ դուրս մղելով ղրիմի թաթարներին ու էթնիկ ուկրաինացիներին, թերակղզին բնակեցնելով Ռուսաստանի խորքերից բերված միգրանտներով»։
Պյոտր Պորոշենկոն շեշտել է, որ Ղրիմի թաթարների հետ Ուկրաինայի համերաշխության շնորհիվ աշխարհը չի ճանաչել ընտրական կեղծիքը՝ ուկրաինական Ղրիմում ՌԴ նախագահի վերջերս անցկացված ապօրինի ընտրությունները։
