Ռուսաստանի ԱԳ նախարար Սերգեյ Լավրովը չեղարկել է Արգենտինա ու Կուբա ծրագրված այցելությունները։ ԱԳՆ-ն ճշգրտում է, որ ուղեւորությունների գրաֆիկում փոփոխությունները պայմանավորված են «ձեւավորված կառավարության գծով միջոցառումներով»։ Բուենոս Այրեսում «քսանյակի» նիստին Ռուսաստանը կներկայացնի փոխնախարարը, հայտնել են ԱԳՆ-ից։

Քսանյակի երկրների արտգործնախարարների հանդիպումը ծրագրված է մայիսի 20-21-ը Բուենոս Այրեսում։

Նշենք, որ մայիսի 18-ին Կուբայում, Հավանայի օդանավակայանի մոտ կործանվել է Boeing-737 օդանավը, որում 113 մարդ էր գտնվում։ Այն ներքին չվերթ էր իրականացնում Հավանայից Օլգին քաղաք։