Միացյալ Նահանգների առաջին տիկին Մելանյա Թրամփը շաբաթ Ուոլտեր Ռիդի անվան Ազգային ռազմական բժշկական կենտրոնում բուժում ստանալուց հետո վերադարձել է Սպիտակ տուն: Այս մասին հայտնել են նախագահ Դոնալդ Թրամփի կնոջ ներկայացուցիչները, հաղորդում է ՏԱՍՍ-ը:
«Առաջին տիկինն այսօր առավոտյան վերադարձել է Սպիտակ տուն: Նա հանգստանում է հարմարավետ պայմաններում եւ բարձր տրամադրություն ունի», - նշվում է հաղորդագրությունում:
Երկուշաբթի հայտնի դարձավ, որ Մելանյա Թրամփը էմբոլիզացիայի պրոցեդուրա է անցել: Սպիտակ տունը չի մանրամասնում, թե ինչ հիվանդության մասին է խոսքը, այլ միայն նշում, որ դա կապված է երիկամների հետ:
