News
Լրահոս
News
Երեքշաբթի
Հունվար 22
Տեսնել լրահոսը

Իրանի եւ Եվրասիական տնտեսական միության միջեւ ստորագրված ազատ առեւտրի գոտու մասին համաձայնագիրը կնպաստի Հայաստանի եւ Իրանի միջեւ ապրանքաշրջանառության աճին եւ մաքսային ռեժիմների պարզեցմանը: Այս մասին NEWS.am-ի թղթակցի հետ զրույցում ասել է Հայաստանի գործատուների հանրապետական միության նախագահ Գագիկ Մակարյանը:

Նա նշել է, որ Իրանը արհեստականորեն խստացրել է արտասահմանյան արտադրանքի ներկրման պայմանները` իր հանդեպ կիրառվող պատժամիջոցների պատճառով սեփական տնտեսությունը խթանելու համար, եւ, փաստորեն, այս տարիների ընթացքում իրանական տնտեսությունը փակ շրջապտույտով է աշխատել:

«Այժմ, երբ Իրանի դեմ նոր պատժամիջոցներ կարող են կիրառվոել, երկիրը նոր ուղղություններ է փնտրում  տնտեսական համագործակցության համար, եւ այդ առումով ԵՏՄ-ի 200 միլիոնանոց շուկան շատ հետաքրքիր է Իրանի համար, ինչպես եւ Իրանի 80 միլիոնանոց շուկան է հետաքրքիր  ԵՏՄ-ի անդամ երկրների համար», - նշել է տնտեսագետը:

Նրա խոսքով՝ Ազատ առեւտրի գոտու մասին համաձայնագրի ստորագրման ժամանակ առաջին հերթին խոսքը Ռուսաստանի հետ առեւտրաշրջանառության մասին էր: «Բայց ես կարծում եմ, որ հետագայում ԵՏՄ-ի մյուս անդամ երկրները, այդ թվում նաեւ Հայաստանը, կկարողանան Իրանի հետ առեւտրային հարաբերություններ հաստատել, հատկապես, որ այդ երկիրը չի թաքցնում իր առանձնակի հետաքրքրությունը Հայաստանի հետ համագործակցության վերաբերյալ», - ասել է Գագիկ Մակարյանը:

 Նա կարծում է, որ Իրանն ու Ռուսաստանը փոխշահավետ բեռնափոխադրումներ իրականացնելու համար կընտրեն Հայաստանով անցնող ուղին եւ առաքման ժամանակ կողմերը ստիպված կլինեն Հայաստանին վճարել տարանցման համար:

«Միեւնույն ժամանակ, այդ երկրները պետք է մտածեն Կապանի ճանապարհները բարելավելու, այստեղ օդային կամուրջներ կամ թունելներ կառուցելու մասին՝ ավելի հարմարավետ պայմաններում բեռնափոխադրումներ իրականացնելու համար», - ասել է  տնտեսագետը:

Նրա խոսքով՝ Հայաստանը դրանից միայն կշահի, քանի որ ներկայումս Վերին Լարսին այլընտրանք չունի:  Բացի այդ, ճանապարհների բարելավումը կնպաստի զբոսաշրջության աճին:

«Ազատ առեւտրի գոտու մասին համաձայնագիրը նաեւ ենթադրում է, որ Իրանի հետ մաքսային ռեժիմը պարզեցվելու է, ինչը կնպաստի Հայաստանի եւ Իրանի միջեւ ապրանքաշրջանառության ավելացմանը», - ասել է փորձագետը:

Ըստ նրա կանխատեսումների՝ կմեծանա նաեւ բեռնափոխադրումների ծավալը, ինչը կհանգեցնի սպասարկման ոլորտի մուլտիպլիկատիվ աճին:

Հայաստանի տնտեսության համար եւս մեկ կարեւոր ազդեցություն. իրանական բիզնեսը կցանկանա այստեղ իր ձեռնարկությունները բացել եւ ներդրումներ կատարել:

Հիշեցնենք, որ ԵՏՄ-ի եւ Իրանի միջեւ մայիսի 17-ին Ղազախստանի մայրաքաղաքում կայացած Աստանայի տնտեսական համաժողովի ընթացքում ազատ առեւտրի գոտու ստեղծման մասին ժամանակավոր համաձայնագիր ստորագրվեց: Ժամանակավոր համաձայնագիրը երեք տարի կգործի,  եւ այդ ժամանակ կողմերը պետք է լիարժեք ձեւաչափով պայմանագրի շուրջ համաձայնության գան:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ դեսպանը Իրանի ԱԳՆ ներկայացուցչին ներկայացրել է Արցախի հարցի շուրջ վերջին զարգացումները
Իրանում ՀՀ դեսպան Թումանյանի հանդիպումը Իրանի ԱԳՆ ներկայացուցիչ հետ…
Իրանի ռազմական կցորդը՝ ՀՀ Պաշտպանության նախարարությունում
ԼՂ հիմնահարցի շուրջ արտահայտած դիրքորոշման վերաբերյալ ադրբեջանական մամուլում շրջանառվող տեղեկատվությանը...
Նիկոլ Փաշինյանը ցավակցական հեռագիր է հղել Իրանի նախագահ Հասան Ռոհանիին
Հայաստանի վարչապետը ցավակցություն ու զորակցություն է հայտնել Իրանի Իսլամական Հանրապետության նախագահին և Իրանի բարեկամ ժողովրդին…
Ռոհանին Նիկոլ Փաշինյանին շնորհավորել է վերընտրվելու կապակցությամբ
«Հույս ունեմ, որ Ձեր վերընտրվելուց հետո հնարավորություն կընձեռնվի երկկողմ, տարածաշրջանային եւ միջազգային հարաբերությունների ընդլայնման եւ խորացման համար...
Ամոթալի է, որ Իրանից Հայաստան մուտք գործելու առաջին իսկ նեղլիկ դուռը փչացած է. Վարդան Ոսկանյան
Այս առումով՝ երկնքում հնչած անսպասելի ամպրոպի ձայնի էր նման սահմանապահ ծառայության...
Մահմուդ Ահմադինեժադը Սուրբ Ծնունդը նշել է հայ համայնքի ներկայացուցիչների հետ
Ես նրանց հետ ժամերգության մասնակցեցի և այնտեղ հանդիպեցի բազմաթիվ հրաշալի մարդկանց...
Ամենաշատ
Ֆոտոռեպորտաժներ