News
Լրահոս
News
Երեքշաբթի
Օգոստոս 14
Տեսնել լրահոսը

Հարավային Կորեայի եւ Միացյալ Նահանգների նախագահներ Մուն Չժե Ինը եւ Դոնալդ Թրամփը կիրակի օրը հեռախոսով քննարկել են Հյուսիսային Կորեայի կողմից վերջերս հնչեցվող սպառնալիքները երկխոսությունից հրաժարվելու մասին, փոխանցում է «ՌԻԱ Նովոստի»-ն։

Հեռախոսազրույցը տեւել է 29 րոպե:

Թրամփի հանդիպումը Հյուսիսային Կորեայի առաջնորդ Կիմ Չեն Ընի հետ նախատեսվում է անցկացնել հունիսի 12-ին Սինգապուրում, սակայն  Փհենյանը սպառնացել է հրաժարվել ԱՄՆ-ի հետ երկխոսությունից, եթե փորձեն միակողմանիորեն հասնել Հյուսիսային Կորեայի կողմից միջուկային զենքից հրաժարվելուն, առանց հարաբերությունների կարգավորման։

Թրամփն ու Մուն Չժե Ինը պայմանավորվել են սերտ համագործակցել, այդ թվում՝ Սինգապուրում ԱՄՆ-ի ու Հյուսիսային Կորեայի միջեւ գագաթնաժողովի հաջող իրականացման հարցում։

Հիշեցնենք, որ ապրիլի 27-ին սահմանային Փհանմունջոմ կետում կայացել է երկու Կորեաների առաջնորդների հանդիպումը։ Սակայն այս շաբաթ Հյուսիսային Կորեան չեղարկել է երկու Կորեաների նախարարական հանդիպումը եւ սպառնացել հրաժարվել Կիմ Չեն Ընի ու Թրամփի միջեւ կայանալիք գագաթնաժողովից այն բանից հետո, երբ Միացյալ Նահանգները եւ Հարավային Կորեան զորավարժություններ են սկսել ուղղված Հյուսիսի դեմ:

.

 

!
Այս նյութը հասանելի է նաև   English and Русский
Տպել
Partner news