News
Լրահոս
News
Ուրբաթ
Սեպտեմբեր 21
Տեսնել լրահոսը

«Econews.am» կայքի «Ահազանգ․ «Որսացել» են չթույլատրվող գիշատիչ թռչուն» վերնագրով հրապարակման հիման վրա ոստիկանության Հրազդանի բաժնի ծառայողներն անմիջապես ձեռնարկել են անհրաժեշտ միջոցառումներ՝ հայտնաբերելով լուսանկարում պատկերված երիտասարդին։

Հրազդանի Ջրառատ թաղամասում ապրող 25-ամյա երիտասարդի հետ ոստիկանները բացատրական աշխատանք են իրականացրել, ինչի արդյունքում նա ներկայացել է ոստիկանության Հրազդանի բաժին՝ դեպքի վերաբերյալ բացատրություն տալու։

Նախապատրաստվում են նյութեր։

Ավելի վաղ NEWS.am-ը հայտնել էր, որ նախօրեին համացանցում հրապարակվել է լուսանկար, որտեղ հրացանավոր երիտասարդի ձեռքերում գիշատիչ թռչուն է։ EcoNews.am-ի փոխանցմամբ, թռչունը հավանաբար, տափաստանային ճուռակ է (Buteo rufinus):

Տափաստանային ճուռակը որսատեսակ չհանդիսացող կենդանի է, եւ տվյալ կենդանու որսը թույլատրված չէ: Տեսակը ՀՀ-ում լայնորեն տարածված է: Տեսակն ընդգրկված է ԲՊՄՄ (IUCN) Կարմիր ցուցակում «Քիչ վտանգված» (Least Concern) կարգավիճակով: Տափաստանային ճուռակները հաճախ որսագողերի զոհ են դառնում, ինչպես նաեւ հանդիսանում են խրտվիլակային բիզնեսի օբյեկտներ: Հայաստանում տվյալ բիզնեսի օբյեկտներից շատերը գիշատիչ թռչուններ են:

Ի դեպ, լուսանկարում պատկերված թռչնի արտաքինից կարելի է ենթադրել, որ կենդանին հավանաբար դեռ ողջ է: Լուսանկարներում երեւում է նաեւ, որ թռչնի փետուրների մի մասը բացակայում է, սակայն ոչ փետրափոխման հետեւանքով, այլ՝ ջարդված են: Ինչը վկայում է նրա մասին, որ հավանաբար երիտասարդի կրակոցից ճուռակը վիրավորվել է, ինչի հետեւանքով էլ դարձել է «հեշտ հասանելի»: Տվյալ դեպքը պարունակում է ինչպես որսագողության հոդվածով հանցագործության տարրեր, այնպես էլ կենդանիների նկատմամբ դաժան վերաբերմունքի:

Լուսանկարն իր ֆեյսբուքյան էջում հրապարակել է Սուր Բակլաչյան անունով օգտատերը: Վերջինս հաշվառված է Կոտայքի մարզի Հրազդան քաղաքում: Հրապարակման ամսաթիվը հստակ ֆիքսված չէ, սակայն դատելով երիտասարդի արտաքին ցուցիչներից, այն արվել է վերջին մեկ ամսվա ընթացքում:

Ահազանգ. Կարմիր գրքում գրանցված թռչունի որսի դեպք է գրանցվել. «հերոսը» լուսանկարները տարածել է իր էջում (ֆոտո)

Տպել
Կարդացեք նաև
Ամբողջը
Երեւանի կենտրոնում դանակահարվել են 23 եւ 27–ամյա եղբայրները. նրանց հիվանդանոց է հասցրել ՃՈ ծառայողը
Ոստիկանության աշխատակիցները կարճ ժամանակ անց պարզում են, որ նրանց սուր կտրող-ծակող առարկայով հարվածել է...
Ստեփանակերտում ԱԱԾ նախկին պետի որդու մասնակցությամբ ծեծկռտուքի գործ. մեղադրյալներից մեկի մասով քրգործը կարճվել է
Հայտնի չէ՝ արդյոք մյուս մեղադրյալների մասով քրգործը նույնպես կարճվել է, թե ոչ...
Հայտնի է HSBC բանկի վրա ոստիկանության գնդապետի կողմից զինված հարձակման գործով մեղադրական եզրակացությունը
Դանիելյանը մտադրվել է HSBC բանկի «Կոմիտաս» մասնաճյուղից հափշտակել 500 հազար դոլար...
Վրաերթեր Երեւանում եւ Իջեւանում. Հիվանդանոց է տեղափոխվել 4 մարդ
Սեպտեմբերի 19-ին, ժամը 05.30-ին, անհայտ մակնիշի ավտոմեքենայի վարորդը Երեւանի Արցախի պողոտայում…
Մեկ օրում բացահայտվել է հանցագործության 48 դեպք. սպանության փորձ, ծեծ, ապացույցների կեղծում
Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար, ինչի հետեւանքով 16 մարդ ստացել է տարբեր աստիճանի մարմնական վնասվածքներ…
«Սերմերի գործակալություն» ՊՈԱԿ-ում 15.6 մլն դրամի չափով պակասորդներ են հայտնաբերվել. հարուցվել է քրգործ
Նույն որոշման համաձայն` ՀՀ մարզերի համար նախատեսված, սակայն հողօգտագործողների կողմից վճարունակ պահանջարկի բացակայության պատճառով չիրացված սերմացուների հետագա պահպանության...
Ամենաշատ
Partner news