Սա անցումային կառավարություն է, որի գլխավոր նպատակը արտահերթ խորհրդարանական ընտրությունների ապահովումն է։ Այս մասին, այսօր՝ մայիսի 20-ին, ԼՈՖԹ-ում զրույց-հանդիպման ժամանակ նշեց Սփյուռքի նախարար Մխիթար Հայրապետյանը։
«Արտահերթ ընտրություններից հետո, հավատացնում եմ ձեզ, Ազգային ժողովում կլինեն փոփոխություններ եւ մենք կկարողանանք այլեւս թելադրել մեր կամքը։ Թեեւ թելադրելը այդ ժամանակ ակտուալ չի լինի, որովհետեւ նոր խորհրդարանն ինքը շահագրգռված կլինի, որովհետեւ այնտեղ ազգի կողմից ընտրյալները եւս տոգորված կլինեն հայրենադարձության գաղափարով»,-ասաց Մխիթար Հայրապետյանը։
