Հայաստանի ԱԻՆ-ում, մայիսի 20-ին, ժամը 22:44-ին «911» ծառայությանն ահազանգ է ստացվել, որ Երեւան քաղաքի Արշակունյաց պողոտայում՝ «Սինոփսիս Արմենիա» ընկերության շենքի մոտակայքում, տեղի է ունեցել ավտովթար, ավտոմեքենան բախվել է ծառին, կա տուժած. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ «Nissan Infiniti Q4» մակնիշի ավտոմեքենան Արշակունյաց պողոտայի շենքերից մեկի մոտակայքում դուրս է եկել ճանապարհի երթեւեկելի հատվածից, արմատախիլ արել ծառը եւ բախվել արտաքին լուսավորության սյանը:

Մինչ փրկարարների՝ կանչի վայր հասնելը վարորդը (Մ. Մ., 1986 թ.) եւ ուղեւորը (Գ. Մ., 1989 թ.) քաղաքացիների ուժերով տեղափոխվել են «Սուրբ Գրիգոր Լուսավորիչ» ԲԿ:

Բժիշկները տուժածների առողջական վիճակը գնահատել են բավարար:

Փրկարարներն իրականացրել են հերթապահություն՝ մինչ «Երեւան էլտրանսպորտ» ՓԲԸ-ի վթարային ծառայության աշխատակիցների մոտենալը: