News
Լրահոս
News
Կիրակի
Մարտ 24
Տեսնել լրահոսը

Նիկոլ Փաշինյանի կառավարությանը ժամանակ է անհրաժեշտ խնդիրների լուծման համար, այդ թվում նաեւ`բանտարկյալների խնդրի: Այս մասին մայիսի 21-ին լրագրողների հետ հանդիպման ժամանակ հայտարարեց ՀՀ առաջին օմբուդսմեն Լարիսա Ալավերդյանը:

«Ես համաձայն եմ այն ​​կարծիքի հետ, որ եթե նախկինում գործողություններն ընդհանուր առմամբ հին իշխանությունների դեմ էին ուղղված, ապա պետք է հասկանալ, որ նոր կառավարությանը ժամանակ է անհրաժեշտ խնդիրների լուծման համար: Քանի որ ստացվում է, որ բողոքի ակցիաներն այս իշխանություններին են հասցեագրված, թեեւ պատճառը հնի մեջ է: Եվ պետք է հասկանալ, որ մանրակրկիտ քննություն եւ ոչ թե քաղաքական, այլ իրավական մոտեցում պահանջող գործերի համար ժամանակ է անհրաժեշտ: Որովհետեւ կոշտ քայլերը քաղաքական որոշում կնշանակեին», - ասաց Ալավերդյանը` մեկնաբանելով քաղբանտարկյալների եւ այս կամ այն գործչին ազատ արձակելու պահանջով բողոքների վերաբերյալ հարցը:

Նրա խոսքով՝ բողոքի ցույցերը կարող են շարունակվել, սակայն դրանք չպետք է խանգարեն մարմինների աշխատանքին, եւ եթե խոչընդոտներ են առաջանում, միջամտություն է անհրաժեշտ: Հարցն այն է, թե որքանով համարժեք կլինի անվտանգության ուժերի միջամտությունը: «Սասնա Ծռերի» կողմից կիրառված ուժը մեզ թույլ չի տալիս նրանց խղճի բանտարկյալներ համարել: Սակայն դա չի չեղարկում նրանց նկատմամբ արդար դատավարության կիրառման հարցը: Բազմաթիվ խախտումներ կան»,- նկատեց Ալավերդյանը` հավելելով, որ իրավիճակը մարտահրավեր է պարունակում կողմերի համար:

«Կոչ եմ անում իշխանություններին հնարավորինս շուտ արդար դատավարություն իրականացնել: Շարժման ղեկավարները պետք է անմիջականորեն հանդիպեն դժգոհություն արտահայտողների հետ»,- նշեց ՀՀ առաջին օմբուդսմենը: Ընդ որում, նա չհամաձայնեց դատախազների եւ դատավորների արագ փոփոխման անհրաժեշտության հետ: Դա կամայականություն կլիներ, հավելեց Ալավերդյանը:

Անդրադառնալով բուն ձեւակեպմանը՝ Ալավերդյանը նշեց, որ միջազգային կազմակերպությունները օգտագործում են «խղճի բանտարկյալներ» տերմինը, եւ ոլորտն, ընդհանուր առմամբ, նրբանկատ մոտեցում է պահանջում:

Նրա կարծիքով՝ բողոքի ակցիաների շարունակությունն իներցիա է: «Հուսով եմ, որ ասածիս իրականացումը կհանգեցնի դրանց պակասեցմանը»,- ասաց Ալավերդյանը՝ հավելելով, որ չի կարելի թույլ տալ, որպեսզի ժողովրդավարությունը անարխիայի վերածվի:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Մտածում ես ստեղ ես՝ ձեռք չեմ տալո՞ւ».Տուժող-ոստիկանը դատարանում սպառնալիք է հնչեցրել. Փաստաբանը դիմել է դատախազություն
Մեկ այլ դեպքում ափսոսանք է հայտնում, որ «չի սպանել»...
«Հրազենային վնասվածք, այրված մեքենա, 336 հազար դրամ». Հարցաքննվեցին ՊՊԾ գնդի գրավման գործով երեք տուժողները
Նա, սակայն, դժվարացավ նշել, թե ով է այրել մեքենան...
«Սասնա ծռերի» գործով եւս մեկ հանրային պաշտպան ներգրավվեց. Արմեն Բիլյանն ու Պավլիկ Մանուկյանը դեմ էին
Ես բացարձակապես չեմ կարողանում հանրային պաշտպանի հետ աշխատել...
Շարունակվում է Սասնա ծռերի գործով տուժողների հարցաքննությունը
«Սասնա Ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը․․․
Այսօր «Հաց բերող»-ի մահվան օրն է
Հաց Բերողն ուղեկցող փարոս դարձավ հուսահատությունից և անարժանապատիվ գոյությունից դեպի մարդավայել ապրելն…
«Թուրքի նման հարձակվեցիք». ՊՊԾ գնդի նախկին հրամանատարի հարցաքննությունն անցավ լարված մթնոլորտում
Դատավորը հորդորեց վիրավորանքներ չհնչեցնել, ինչից հետո Արեգ Կյուրեղյանին տասը ժամով հեռացրեց նիստերի դահլիճից...
Ամենաշատ
Ֆոտոռեպորտաժներ