News
Լրահոս
News
Կիրակի
Հունվար 20
Տեսնել լրահոսը

Արցախի Հանրապետության պետական նախարար Արայիկ Հարությունյանը մայիսի 20-ին աշխատանքային այցով եղել է Քաշաթաղի եւ Հադրութի շրջանների մի շարք համայնքներում, տեղերում ծանոթացել իրականացվող նախագծերի ընթացքին եւ հետեւել բերքահավաքի մեկնարկին։

Արցախի կառավարությունից NEWS.am-ին հայտնում են, որ պետական նախարարն առաջինն այցելել է Իշխանաձոր համայնք, որտեղ, Քաշաթաղի շրջանի վարչակազմի ղեկավար Սուրեն Խաչատրյանի ուղեկցությամբ, նախ ծանոթացել է շահագործման փուլում գտնվող «Քաշաթաղ» բարեգործական հիմնադրամի եւ կառավարության համաֆինանսավորմամբ կառուցվող 50 առանձնատների շինարարական աշխատանքներին: Ա. Հարությունյանը հանձնարարել է առանձնատները շահագործման հանձնելուն պես զբաղվել վերաբնակեցման հայտ ներկայացրած ընտանիքների տեղափոխմամբ եւ նրանց զբաղվածության համար ստեղծել անհրաժեշտ պայմաններ, ինչպես նաեւ տարածք նախապատրաստել նոր առանձնատների կառուցման համար։

Այնուհետեւ պետնախարարն այցելել է «Քաշաթաղ» բարեգործական հիմնադրամի կողմից Իշխանաձորում իրականացվող մեկ այլ՝ իր տեսակի մեջ աննախադեպ տնտեսություն, որտեղ շուրջ 40 հեկտարի վրա մշակվում են բանջարաբոստանային մշակաբույսեր: Տեղի բնակչության համար մոտ 70 աշխատատեղ ապահոված տնտեսության վերջնարդյունքը, բացի կատարած աշխատանքի դիմաց տրվելիք աշխատավարձից, կոոպերատիվ տնտեսության սկզբունքով կրկին վերաբաշխվելու է աշխատակիցների եւ համայնքի բնակիչների միջեւ: Ա. Հարությունյանը հանդիպել է աշխատակիցների հետ, հետաքրքրվել նրանց աշխատանքի պայմաններով եւ հանձնարարել տնտեսության պատասխանատուներին համապատասխան բարելավումներ կատարել:

Հաջորդ այցելությունը Իշխանաձորի հարակից դաշտերում սկսված բերքահավաքի վայրն էր, որտեղ Ա. Հարությունյանը հետեւել է գարու հնձի մեկնարկին: Շրջվարչակազմի ղեկավար Ս. Խաչատրյանը պետնախարարին ներկայացրել է բերքի նախնական բարձր արդյունքները: Նա նշել է, որ տարին ընդհանուր առմամբ բարենպաստ է շրջանում ցանված հացահատիկային մշակաբույսերի համար՝ ընդգծելով, որ այս տարվա տաք եղանակային պայմանները նպաստել են, որ նախորդ տարիների համեմատ բերքահավաքը մոտ երկու շաբաթ շուտ սկսվի:

Քաշաթաղի շրջանի Միջնավան քաղաքում Ա. Հարությունյանը ծանոթացել է «Քաշաթաղ» բարեգործական հիմնադրամի եւ կառավարության համաֆինանսավորմամբ վերջերս վերանորոգված համայնքային բազմաֆունկցիոնալ կենտրոնի պայմաններին, որտեղ, բացի վարչական մասից, տեղակայված են լինելու նաեւ բուժկետը, քաղաքի ոստիկանական բաժանմունքը եւ ակումբը։ Պետնախարարը խոստացել է կարճ ժամանակամիջոցում լուծել նաեւ կենտրոնի գույքի հարցը: Այնուհետեւ Միջնավան, ապա նաեւ Կովսական քաղաքներում պետնախարարն այցելել է վերաբնակեցման նպատակով կառուցվող մի շարք շենք-շինություններ, ծանոթացել կատարվող աշխատանքներին եւ հանձնարարել է դրանց նոր թափ հաղորդել:

«Վերաբնակեցման քաղաքականությունը գտնվում է իշխանությունների ուշադրության եւ հոգածության կենտրոնում, եւ այս առումով մեծ անելիքներ կան: Շարունակե՛ք աշխատանքները նոր թափով, քանի որ առկա են անհրաժեշտ բոլոր ենթակառուցվածքները մեր հայրենադարձ քաղաքացիներին արդեն ոչ թե նվազագույն, այլ բարեկեցիկ պայմաններով ապահովելու համար: Այս ուղղությամբ մենք միջոցներ չենք խնայելու»,- ասել է Ա. Հարությունյանը:

Շրջայցի մյուս կանգառը Հադրութի շրջանի Արաքսավան բնակավայրն էր, որտեղ պետական նախարարը, շրջանի վարչակազմի ղեկավար Իվան Ավանեսյանի ուղեկցությամբ, ծանոթացել է տեղում իրականացվող աշխատանքներին: Ա. Հարությունյանը, մասնավորապես, այցելել է հացահատիկային դաշտերը, հետաքրքրվել բերքի սպասվող արդյունքներով, ինչպես նաեւ եղել է պետական աջակցությամբ հիմնված ջերմոցային տնտեսությունում:

Այցի ընթացքում Ա. Հարությունյանին ուղեկցում էին Ազգային ժողովի պատգամավոր Դավիթ Իշխանյանը եւ գյուղատնտեսության նախարար Ժիրայր Միրզոյանը:

Տպել
Կարդացեք նաև
Ամբողջը
Կարեն Աբրահամյանը այցելել է ՊԲ-ի կենտրոնական ենթակայությամբ գործող մի շարք զորամասեր
Հանդիպումների ընթացքում պաշտպանության նախարարը կարեւորել է յուրաքանչյուր ստորաբաժանման եւ անհատ զինծառայողի համակողմանի...
Արցախը պետք է մնա միասնական, ոչ ոք իրավունք ունի Արցախը սպիտակ կամ սեւ ներկելու. ՀՅԴ բյուրոյի ներկայացուցիչ
Հոսվում է, թե Արցախը պետք է բանակցի, ապա խոսվում է թե Արցախում իշխանափոխություն պիտի տեղի ունենա։ Իսկ ո՞րն է մեր ռազմավարությունը, ո՞ւր մնաց Արցախի ինքնորոշման փաստը...
Բակո Սահակյանն ուղերձ է հղել ՀՅԴ Ընդհանուր ժողովի մասնակիցներին
Արցախի պետականության ամրապնդումը, արցախյան հիմնախնդրի արդարացի լուծումը, մեր հանրապետության միջազգային ճանաչումն առանցքային նշանակություն ունեն Հայ Յեղափոխական Դաշնակցության համար, ինչը մենք մշտապես զգում եւ արժեւորում ենք...
Արցախի ԱԳՆ-ը զարգացնում է արտասահմանյան գործընկերների հետ կապերը
Իրականացվել են նաև արտասահմանյան այցելություններ՝ Արցախի Հանրապետության տարբեր նախարարությունների և գերատեսչությունների ղեկավարների մակարդակով․․․
2018 թ. Արցախ է այցելել օտարերկրյա մոտ 45 ԶԼՄ-ներ ներկայացնող 127 լրագրող
Մասիս Մայիլյանը ընդգծել է, որ 2019թ․ Արցախի արտաքին քաղաքական գերատեսչությունը կշարունակի․․․
Կարեն Աբրահամյանը ներկա է եղել հարավային եւ հյուսիսային ուղղությամբ գործող միավորումներում խորհրդակցություններին
Խորհրդակցությունների ընթացքում բանակի հրամանատարը միավորումների եւ զորամասերի հրամկազմին նաեւ խնդիրներ է առաջադրել գալիք...
Ամենաշատ
Ֆոտոռեպորտաժներ