Մենք մշտապես փոխանակվում ենք ինֆորմացիայով Ազգային անվտանգության ծառայության հետ։ Այս մասին, այսօր՝ մայիսի 21-ին, Ազգային ժողովում նշել է Կենտրոնական բանկի նախագահ Արթուր Ջավադյանը:
Դիտարկմանը, թե ԱԱԺ տնօրեն Արթուր Վանեցյանը խոստացել է լուրջ բացահայտումներ անել ստվերի դեմ պայքարում՝ բացահայտել կոռուպցիոն շղթան և բացահայտվել են 350 անձանց հետ կապված տվյալներ, որոնց անձնագրերն օգտագործվել են՝ խոշոր բիզնեսներ են ստեղծվել, Արթուր Ջավադյանն ասաց. «Քննություն է ընթանում, թե ԱԱԾ-ն, թե քննչական մարմինները, պատկան մարմինները պատասխան կարող են տալ դրա կապակցությամբ, մենք դրանով չենք զբաղվում: Ինչ վերաբերում է մեր կողմից տրվող եւ փոխանակվող ինֆորմացիային, մենք ունենք որոշակի ինֆորմացիայի զանգված, որը փոխանակում ենք, գիտեք՝ ֆինանսական հետախուզության որոշ հարցերով մենք ենք զբաղվում։ Սա ավելի շատ վերաբերում է տեռորիզմի ֆինանսավորմանը եւ փողերի լվացման ոլորտում որեւէ ինֆորմացիայի եւ էդ մասով մենք որեւէ խնդիր չունենք,
մենք համագործակցում ենք թե ՀՀ , թե ՀՀ-ից դուրս գործող բոլոր իրավապահ մարմինների հետ»:
Ինչ վերաբերում է երկրից 10 միլիարդ դոլարի արտահոսքի մասին լուրերին, նա ասաց, որ նման բան չկա, քանի որ երկրում չկա մի գործարար, որն այդքան գումար կունենա:
Իսկ առհասարակ կապիտալի արտահոսքին անդրադառնալով ասել է. «Ոչ կանխիկ ձեւով արտահոսքը, ամբողջությամբ մեր կողմից հսկվում է, մենք դա տեսնում ենք»,-նշեց ԿԲ նախագահը:
Իսկ առհասարակ կապիտալի արտահոսքին անդրադառնալով ասել է. «Ոչ կանխիկ ձեւով արտահոսքը, ամբողջությամբ մեր կողմից հսկվում է, մենք դա տեսնում ենք»,-նշեց ԿԲ նապագահը: