Մենք ունենք հստակ փորձաքննություն, որ Ամուլսարը ցիանային լուծույթով ոսկու կորզումն իրականացնելու դեպքում մենք ունենում ենք 50 տարի անապատացում առնվազն 50 կմ շառավղով: Այս մասին, այսօր՝ մայիսի 22-ին, ԱԺ-ում «ՀՀ հողային օրենսգրքում լրացումներ կատարելու մասին» օրինագծի քննարկման ժամանակ նշեց «Ծառուկյան» խմբակցության պատգամավոր Սերգեյ Բագրատյանը:
Նա մեջբերեց օրինագծից մի հատված, որտեղ նշվում է հողերի վատթարացումը շրջադարձելու եւ կենսաբազմազանության կորուստը կասեցնելու անհրաժեշտության մասին՝ հավելելով. Այս երկու փաստն էլ մենք ունենք Ամուլսարի շահագործման հետևանքով: Սա իսկապես կենսաբազմազանության գենոցիդ է, որը պետք է արձանագրել: Ամենայն պատասխանատվությամբ հայտարարում եմ՝ պետք է կանխել ոսկու կորզման այս մեթոդը»,-ընդգծեց պատգամավորը՝ հավելելով. «Թող փոխարինեն ավելի թանկ մեթոդով: Ես վիճարկում եմ բնապահպանական հետեւանքները»: