Հյուսիսային Չինաստանի Հեբեի նահանգի Սինտայ շրջանի քաղաքային ոստիկանությունը 18 մարդ է ձերբակալել՝ էկոլոգիայի համար վտանգավոր աղբը նետելու համար, հայտնում է «Սինհուա» գործակալությունը:
Շրջանի ոստիկանությունը հաղորդում էր ստացել այն մասին, որ Լյուցուն վարչական շրջանում կասկածելի ծագման աղբ է հայտնաբերվել: Թե ով էր այն թափել, եւս հայտնի չէր: Հաղորդման վայր ժամանելուց հետո իրավապահ մարմինների աշխատակիցները նավթամթերքների համար նախատեսված ավելի քան 200 տակառ են հայտնաբերել՝ ներսում սեւ հոտավետ նյութով: Նախաքննության ընթացքում պարզվել է, որ շրջան աղբը տեղափոխվել էր Շանդուն նահանգի Ցզոուպին քաղաքից, ընդ որում, տեղափոխման համար ծախսը մեկ մեքենայի համար 1200 յուան էր կազմել (մոտ 190 դոլար): Վտանգավոր աղբը նետվել է Լյուցուն քաղաքում եւ լուրջ աղտոտման եւ շրջակա միջավայրին վնասի է հանգեցրել, ընդ որում, դեռ չի հաղորդվում, թե ինչ նյութի մասին է խոսքը:
Ձերբակալվածները ոստիկանությանը խոստովանել են, որ բավականին բարձր գին են վճարել աղբի տեղափոխման համար՝ միայն թե ազատվեն դրանից, եւ միեւնույն է, թե ուր այն կնետվի: Հետաքննությունը շարունակվում է:
