Սպիտակ տանը պատմել են, որ ԱՄՆ նախագահ Դոնալդ Թրամփի թվիթներում սխալները երբեմն նպատակուղղված են արվում: Այս մասին հաղորդում է The Boston Globe-ը՝ վկայակոչելով իրավիճակին ծանոթ աղբյուրները:
Նշվում է, որ Twitter-ում գրառումներ կատարելիս Թրամփին օգնում են Սպիտակ տան աշխատակիցները: Երբ իրադարձություն է տեղի ունենում, որի մասին նախագահը ցանկանում է գրել, նրան մի քանի տարբերակներ են առաջարկվում, որոնցից նա ընտրում է ամենահարմարը: Ընդ որում, նա կարող է ուղղումներ կատարել՝ փոխելով ձեւակերպումները կամ գրառման ոճը:
Աղբյուրի համաձայն՝ աշխատակիցները փորձում են թվիթներն այնպես գրել, որպեսզի դրանք նման լինեն Թրամփի ոճին: Նրանք բացականչական նշաններ, մեծատառեր, պատահական բառեր եւ քերականական սխալներ են օգտագրոծում, որպեսզի տեքստն ավելի համապատասխանի ամերիկյան առաջնորդի ոճին, փոխանցում է «Գազետա»-ն:
