Թաիլանդի հյուսիսում վթարի է ենթարկվել երկրի ռազմաօդային ուժերի L-39 ուսումնական ինքնաթիռը: Այս մասին հայտնում է «ՏԱՍՍ»-ը՝ վկայակոչելով Khao Sot թերթի առցանց տարբերակը:
Չեխական արտադրության ուսումնական ինքնաթիռը վթարի է ենթարկվել Չիանգմայ նահանգից դեպի Տակ նահանգ ուսումնական թռիչք կատարելիս: Ինքնաթիռում անձնակազմի երկու անդամներն էին, երկուսն էլ՝ փորձառու ռազմական օդաչուներ. մեկը՝ գնդապետ, մյուսը՝ մայոր, հաղորդում է պարբերականը:
Ինքնաթիռը գոլֆի դաշտի վրա էր ընկել եւ պայթել էր: 36-ամյա մայոր Քրեքիատ Սուվանանոյի դին հայտնաբերվել էր կործանման վայրից քիչ հեռու: Նախնական տեղեկությունների համաձայն՝ նա կարող էր մահացած լինել կատապուլտով ինքնաթիռից դուրս նետվելիս, քանի որ մարմինը հայտնաբերվել էր ծառերի ճյուղերի մեջ խճճված օդապարիկից կախված վիճակում:
42-ամյա գնդապետ Չիրասակ Նամվոնգտրին գտնվել էր օդաչուի ատոռին՝ ինքնաթիռի բեկորների կողքին: Նրան վիճակը ծայրահեղ ծանր էր, սակայն բժիշկներին հաջողվել էր փրկել նրա կյանքը, եւ այժմ օդաչուի վիճակը կայուն է, նշվում է հաղորդագրության մեջ: Աղետի պատճառները կպարզի հատուկ նշանակված ՌՕՈՒ-ի հանձնաժողովը, հայտնում է թերթը:
