Պաշտոնական տվյալներով՝ Հայաստանում մոտ երեք միլիոն մարդ ապրում է, եւ կա մոտ 1.4 միլիոն վարկային գիծ: Այս մասին մայիսի 22-ին Հայաստանի Ազգային ժողովում հայտարարեց «Ծառուկյան» դաշինքի խորհրդարանական խմբակցության քարտուղար Վահե Էնֆիաջյանը:
Դա, ըստ նրա, նշանակում է, որ Հայաստանի յուրաքանչյուր երկրորդ քաղաքացին վարկ ունի: «Մենք բազմիցս խոսել ենք այս խնդրի մասին, ի դեպ, ոչ միայն խոսեցել ենք, այլեւ իրատեսական լուծումներ ենք առաջարկել», - ասաց Էնֆիաջյանը:
Պատգամավորը հավաստիացրեց, որ նրանք շատ լավ հասկանում են, թե որ տարածաշրջանում են գտնվում Հայաստանը եւ ինչ առանձնահատկություններ ունի այս տարածաշրջանը: Նա նաեւ դժգոհություն հայտնեց առ այն, որ Հայաստանի մշակելի հողերի 60 տոկոսը «անգործության» են մատնված: Հիմնական պատճառը, նրա կարծիքով, բարձր տոկոսադրույքներն ու ոռոգման հետ կապված խնդիրներն են:
Բացի այդ, «Ծառուկյան» բլոկի պատգամավորը առաջարկեց ոռոգման ջրի համար այնպիսի գներ սահմանել, որպեսզի գյուղի բնակիչը կարողանա հանգիստ զարգացնել տնտեսությունը: Միեւնույն ժամանակ, պատգամավորը նախկինում վերցված վարկերն «անմրցունակ» անվանեց, եւ դրա պատճառով գյուղացիները, իր կարծիքով, չեն կարողանում մարել դրանք: Այդպես, նա գյուղատնտեսական վարկերի համաներում է առաջարկում, քանի որ «այդ գումարները, միեւնուն է, չեն վճարվելու»:
