ԱԺ պատգամավոր Ալեն Սիմոնյանը վայր է դրել պատգամավորական մանդատը եւ մնալու է Երեւանի ավագանիում։ Այդ մասին նա հայտնել է ֆեյսբուքի իր էջում։
Նա մանդատից հրաժարվելու դիմել է ներկայացրել ԱԺ նախագահ Արա Բաբլոյանին։
Ալեն Սիմոնյանը ֆեյսբուքյան իր էջում մանրամասնել է, որ մանդատը ստանալուց հետո յոթնօրյա ժամկետում կարող է հրաժարվել դրանից։
Հիշեցնենք, որ Նիկոլ Փաշինյանից հետո խորհրդարան էր անցել Ալեն Սիմոնյանը։ Ի դեպ, այսօր Ազգային ժողովում լրագրողների հետ զրույցում նա հայտարարել էր, որ պատրաստ է ստանձնել քաղաքապետի պատասխանատվությունը, եթե «Քաղաքացիական պայմանագիր» կուսակցությունը վստահի իրեն։
Նշենք, որ Սիմոնյանն այսօր՝ մայիսի 22-ին իր առաջին ու վերջին նիստին էր մասնակցել։