ԱՄՆ պետքարտուղարությունը շարունակում է նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի հանդիպման նախապատրաստությամբ զբաղվել, որը տեղի կունենա հունիսի 12-ին Սինգապուրում: Այս մասին հայտարարել է ԱՄՆ պետքարտուղար Մայք Պոմպեոն, հաղորդում է The Hill- ը:
«Մենք շարունակում ենք պատրաստվել հունիսի 12-ին կայանալիք գագաթաժողովին: Մենք լիովին պատրաստ ենք», - ասել է Պոմպեոն: Նա նշել է, որ ԱՄՆ-ն հավատարիմ է ապամիջուկայնացմանը եւ պայմանների ստեղծմանը, որոնց դեպքում «Հյուսիսային Կորեայի ռեժիմը այլեւս չի սպառնում աշխարհին»: Պոմպեոն նաեւ նշել է, որ Չինաստանը «պատմական օգնություն» է ցուցաբերել Փհենյանի վրա ճնշման հարցում:
Հիշեցենենք, որ նախագահ Թրամփը ավելի վաղ նշել է, որ Կիմ Չեն Ընի հետ հանդիպումը կարող է չկայանալ, քանի որ այս հարցի վերաբերյալ Փհենյանի դիրքորոշումը որոշակիորեն փոխվել է:
