Ուկրաինայի նախագահ Պյոտր Պորոշենկոն հրամանագիր է ստորագրել, որով գործի է դրվում 2018 թվականի մայիսի 2-ին Ուկրաինայի ազգային անվտանգության եւ պաշտպանության խորհրդի ընդունած որոշումը «Անկախ պետությունների շրջանակներում կնքված պայմանագրերի գործողությունը Ուկրաինայի համար կասեցնելու մասին», հաղորդում է Delo.ua–ն։
№139/2018 հրամանագիրը մայիսի 22-ին հրապարակվել է նախագահի պաշտոնական կայքում։
«Համաձայն Ուկրաինայի սահմանադրության 107-րդ հոդվածի կարգադրում եմ գործի դնել Ուկրաինայի ազգային անվտանգության եւ պաշտպանության խորհրդի 2018 թվականի մայիսի 2-ի որոշումը «Անկախ պետությունների շրջանակներում կնքված պայմանագրերի գործողությունը Ուկրաինայի համար կասեցնելու մասին»,–ասվում է հրամանագրում։
Ուկրաինայի ազգային անվտանգության եւ պաշտպանության խորհրդի որոշման վերահսկողությունը կիրականացնի խորհրդի քարտուղար Ալեքսանդր Տուրչինովը։