Հայաստանի ԱԻՆ-ում, մայիսի 22-ին, ժամը 23:51-ին «911» ծառայությանը տեղեկություն է ստացվել, որ Արին-Բերդի եւ Արտաշատի խճուղու խաչմերուկի մոտակայքում տեղի է ունեցել ավտովթար. կա արգելափակված քաղաքացի, առկա է գազի արտահոսք:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Opel Astra G» մակնիշի ավտոմեքենան (վարորդը՝ 23-ամյա Մկրտիչ Տ.) դուրս է եկել ճանապարհի երթեւեկելի հատվածից, բախվել գազատար խողովակին եւ արգելափակվել խողովակի տակ. գազատար խողովակից առաջացել է գազի արտահոսք:
Մինչ փրկարարների կանչի վայր հասնելը՝ Մ.Տ.-ը դուրս է բերվել քաղաքացիների ուժերով եւ տարբեր բնույթի մարմնական վնասվածքներով հոսպիտալացվել է Էրեբունի բժշկական կենտրոն: Բժիշկները տուժածի առողջական վիճակը գնահատել են կայուն ծանր:
Մինչ գազի արտահոսքի դադարումը փրկարարները տեղում իրականցրել են հերթապահություն, ՃՈ աշխատակիցների հետ համատեղ տեղափոխել են ավտոմեքենան քարշակի վրա եւ կատարել ավտոճանապարհահատվածի լվացում: