Երեւանի ընդհանուր իրավասության դատարանի Շենգավիթի նստավայրում այսօր՝ մայիսի 23-ին, շարունակվում է Սասնա ծռերի դատավարությունը՝ դատավոր Մեսրոպ Մակյանի նախագահությամբ:
NEWS.am-ի թղթակիցը հաղորդում է, որ ամբաստանյալներին դատական նիստերի դահլիճ չեն ներկայացրել, քանի որ նախորդ դատական նիստին 10 ժամով հեռացվել էին նիստերի դահլիճից: Փաստաբաններն ու «Սասնա ծռերի» աջակիցները ի նշան բողոքի լքեցին դահլիճը:
Դատական նիստը հետաձգվեց մեկ շաբաթով քանի որ ամբաստանյալ Մխիթար Ավետիսյանի համար հանրային պաշտպան էին ներգավել, ով գործի նյութերին պետք է ծանոթանա:
Փաստաբանները, որոնք լքեցին նիստերի դահլիճը նախագահող դատավոր Մեսրոպ Մակյանը նկատողություն հայտարարեց:
Նշենք, որ ոստիկանության ուղեկցող գումարտակը գրություն էր ուղարկել, որ մի քանի նիստերի ամբաստանյալներին նիստերի դահլիճ չբերեն, քանի որ քաղաքացիները շրջափակում են դատարանի շենքը: