2018 թվականի մայիսի 21-ին Մեթյու Ռայան Ջոնսթոնը, ով ապրում էր Ֆոնտանա քաղաքում (Կալիֆոռնիա նահանգ) դատապարտվել է երկու տարվա ազատազրկման: Նա մի քանի ամիս շարունակ իրեն ներկայացրել է որպես ԱՄՆ Միգրացիոն եւ մաքսային ոստիկանության (U.S. Immigration and Customs Enforcement -ICE) գործակալ: Երիտասարդի հարազատները, նրա ընկերները եւ անգամ նրա ընկերութհին վստահ էին, որ Ջոնսթոնն աշխատում է դաշնային գործակալությունում:
Տղամարդն իր տրամադրության տակ ունեցել է ICE-ի աշխատակցի բոլոր ատրիբուտները. կեղծ վկայական, «Դաշնային գործակալ» գրությամբ տակտիկական զրահաբաճկոն եւ անգամ՝ համապատասխան ավտոմեքենա: Ավելին, Facebook սոցիալական ցանցի իր էջում Ջոնսթոնը պնդում էր, որ աշխատում է Միացյալ Նահանգների Ներքին գործերի նախարարության (Department of Homeland Securit - DHS) ստորաբաժանումներից մեկում: Միգրացիոն ոստիկանությունը ենթակա է հենց այս կառույցին, փոխանցում է Usa.one-ը:
Իր հանցավոր գործունեության ընթացքում Ջոնսթոնն անծանոթ մարդկանց հետ շփվելից բազմիցս օգտվել է հորինված կարգավիճակի առավելություններից. նա ավտոմեքենաներ է կանգնեցրել փաստաթղթերը ստուգելու համար, ուսումնասիրել է մի քանի միգրանտի՝ ԱՄՆ-ում գտնվելու օրինական լինելը եւ անգամ փորձել է դառնալ Ինդասթրի քաղաքում գտնվող Déjà Vu Showgirls բարի «հովանավորը» (Կալիֆոռնիա նահանգ):
2017 թվականի հոկտեմբերի 23-ին ոստիկանությունը Ջոնսթոնի ձերբակալման հրահանգ էր ստացել եւ խուզարկություն էր անցկացրել նրա տնաը: Ձեռնարկված միջոցառումների արդյունքում 32 հրազեն, 10 հազար փամփուշտ, ինքնաշեն պայթուցիկեր եւ անգամ հրթիռային սարք էր հայտնաբերվեл, որи հետ միասին ինքնաշեն հրթիռներ են եղել: Բնականաբար, հայտնաբերված զենքի մեծ մասը գրանցված չէր: