ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանն առաջարկում է ավանդների ապահովագրման շեմը բարձրացնել: Այսօր՝ մայիսի 23-ին, ԱԺ-ում Մելքումյանը նշեց, որ այսօր այդ շեմը դրամային ավանդների դեպքում 10 մլն դրամ է, արտարժութայինի դեպքում՝ 5 մլն դրամ:
Մելքումյանը տեղեկացրեց, որ ավանդների ծավալի մեջ ապահովագրվածի բաժինը կազմում է 38,5 տոկոս, սակայն ավանդների թվի մեջ այն 90 տոկոսի է հասնում: Այսինքն չապահովագրված ավանդների 60 տոկոսը բաժին են հասնում խորոր ավանդատուներին, որոնք թվով ավելի քիչ են:
Այդուհանդերձ, Մելքումյանը կարծում է, որ այդ շեմը կարելի է 10 մլն դրամից հասցնել 15 մլն-ի:
