News
Լրահոս
News
Կիրակի
Մարտ 24
Տեսնել լրահոսը

Մայիսի 23-ին ԱՀ ՊՆ, ՊԲ հրամանատար, գեներալ-լեյտենանտ Լեւոն Մնացականյանի ղեկավարությամբ, ՙՏիգրանակերտ՚ զորավարժարանում խաղարկվել է հյուսիսային ուղղությամբ գործող զորամասերից մեկի հետ անցկացված ցուցադրական գումարտակային մարտավարական զորավարժության եզրափակիչ` մարտական հրաձգության փուլը: Որպես ուսուցանվողներ հրավիրվել էին ՊԲ-ի միավորումների եւ զորամասերի հրամանատարները` իրենց տեղակալներով: Դիմելով վերջիններիս, բանակի հրամանատարը անդրադարձ կատարեց անցկացվող միջոցառման կարեւորությանը, մասնավորապես նշելով, որ զորքերի պատրաստության բարձրացմանը միտված յուրաքնչյուր գործընթաց կազմակերպելիս, պետք է հաշվի առնել տարածաշրջանում առկա ռազմաքաղաքական իրադրության պայմանները:

Ծավալված ուսումնական կետերում միավորումների եւ զորամասերի հրամկազմի ներկայացուցիչները ծանոթացան հետեւյալ թեմաներով պարապմունքների անցկացման օրինակելի կարգին.

- Ստորաբաժանման կամ անհատ զինծառայողի կողմից հենակետի փոխումը` հակառակորդի կողմից շրջանցում թույլ չտալու նպատակով, ծանր հրանետային համակարգերից պաշտպանվելու եւ մարտունակության վերականգնման առանձնահատկությունները, տարհանման եւ առաջին բուժօգնության կազմակերպումը` մարտական գործողությունների ժամանակ, զրահախմբի ձեւավորման սկզբունքները, տեղաբաշխումն ու լուծվող խնդիրները, զորավարժությունների ժամանակ մշակվող փաստաթղթերն ու գնահատման կարգը:

Գումարտակային մարտավարական  զորավարժության թեմատիկ բովանդակությունը ընդհանուր գծերով համապատասխանում էր զորամասի մարտական խնդիրներին: Ստորաբաժանումները պայմանական հակառակորդի ինտենսիվ հրետանային կրակի պայմաններում դուրս են գալիս մարտական կիրառման շրջան, եւ շրջափակման սպառնալիքի պայմաններում վարում պաշտպանողական մարտ, այնուհետեւ երկրորդ շարակազմի եւ աջակցող ստորաբաժանումների հետ անցնում  հակագրոհի, վերականգնում առաջնագիծն ու զբաղեցնում նախկինի համեմատ առավել նպաստավոր բնագծեր: Գումարտակային մարտավարական զորավարժության բոլոր մասնակիցները բարձր գնահատականներով կատարել են առաջադրված խնդիրները:

Զորավարժության արդյունքում կատարելագործվել են գումարտակի հրամկազմի ունակությունները` մարտի տարբեր տեսակներում` ենթակա եւ տրված ստորաբաժանումների ղեկավարման գործում, գումարտակի շտաբը մարզվել է տվյալների նախապատրաստման, հաշվարկների կատարման եւ փոխգործակցության անընդհատ ապահովման հարցերում, կրտսեր հրամանատարական օղակի ներկայացուցիչները հնարավորություն են ստացել զարգացնելու կրակի կառավարման, որոշումների ընդունման եւ խնդիրների առաջադրման կարողությունները, իսկ ստորաբաժանման զինծառայողները սովորել են գործել շատ ավելի ներդաշնակ ու ձեռք բերել բարոյամարտական առավել կայուն հատկանիշներ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խորհրդակցություն Արցախում. Քննարկվել է կուտակային կենսաթոշակային համակարգի ներդրման հարցը
Գ․ Մարտիրոսյանը հիշեցրել է, որ կուտակային կենսաթոշակային համակարգի անցման նախապատրաստական աշխատանքներն իրականացնելու համար ֆինանսների նախարար...
Ղարաբաղում բոլորն են թիմակից. Արայիկ Հարությունյանը՝ Վիտալի Բալասանյանի մասին
Կուսակցության համագումարն է որոշումը կայացնելու, պարտավոր եմ հարգել կուսակցության համագումարի ցանկացած որոշում...
Կանադայում «Արցախի ժողովրդի խորհրդարանական բարեկամներ» խումբ է ստեղծվել
Համոզված եմ, որ այն արդյունավետ հարթակ կդառնան Արցախի եւ Կանադայի միջեւ փոխշահավետ կապերի ընդլայնման համար, մասնավորապես՝ մարդասիրական համագործակցության բնագավառում…
Բակո Սահակյանը 7 օրենք է ստորագրել
«Լեռնային Ղարաբաղի Հանրապետության քրեական դատավարության օրենսգրքում փոփոխություններ եւ լրացումներ կատարելու մասին...
ԱԺ քաղաքական ուժերը կոչ են անում զերծ մնալ արժեհամակարգը նսեմացնող քայլերից
Պնդում ենք, որ Արցախի ներկայիս կարգավիճակը եւ ժողովրդավարական ուղով զարգանալու մեր ժողովրդի ընտրությունը լավագույնս արտահայտում է հեռանկարում միասնական հայկական պետություն ունենալու վճռականությունը...
Բակո Սահակյանն ու Արտակ Դավթյանը քննարկել են բանակաշինության խնդիրները
Մասնակցում էր ԱՀ պաշտպանության նախարար Կարեն Աբրահամյանը...
Ամենաշատ