ԱՄՆ Պետդեպարտամենտը «համարժեք» պատասխան կտա վենեսուելական իշխանությունների՝ ամերիկացի դիվանագետներին արտաքսելու մասին որոշմանը: Այս մասին հայտարարել է ԱՄՆ պետքարտուղար Մայք Պոմպեոն, փոխանցում է NYT-ն:
Նրա խոսքով՝ Պետդեպարտամենտն արդեն պաշտոնական ծանուցում է ստացել Վենեսուելայում ԱՄՆ դեսպանատան ժամանակավոր հավատարմատար Թոդ Ռոբինսոնի եւ նրա տեղակալի արտաքսման մասին:
«Մենք պատշաճ կերպով կպատասխանենք, անշուշտ՝ փոխադարձության սկզբունքի հիման վրա, ավելին՝ հնարավոր է՝ համամասնորեն»,- ասաց նա: