ԱՄՆ պետքարտուղար Մայք Պոմպեոն կքննարկի Հայոց ցեղասպանության ճանաչման հարցը: Այս մասին ԱՄՆ Կոնգրեսում Արտաքին հարաբերությունների հանձնաժողովի նիստի ժամանակ հայտարարել է նա:
Կոնգրեսական Դեւիդ Ցիցիլինը Պոմպեոնին հարցրել է՝ ճանաչու՞մ է արդյոք նա անցյալ դարի սկզբին Օսմանյան կայսրության կողմից հայերի դեմ կատարված Ցեղասպանությունը: «Ես չեմ կարող պատասխանել: Ես չգիտեմ պատասխանը: Ես կքննարկեմ այդ հարցը», - ասել է Պոմպեոն:
Իր հերթին կոնգրեսական Բրեդ Շերմանը նույնպես իր ելույթում հիշատակել է Հայոց ցեղասպանությունը: Շերմանը շեշտել է, որ ամեն դեպքում, հուսով է, որ Պետդեպարտամենտը «չեզոք դիրքորոշում» կարտահայտի, մինչդեռ նրանք քննարկում են Օսմանյան կայսրությունում հայերի եւ ասորիների դեմ Ցեղասպանության զոհերի հիշատակի հարցը:
