ՌԴ նախագահի մամուլի խոսնակ Դմիտրի Պեսկովը, մեկնաբանելով ԱՄՆ–ի եւ Հյուսիսային Կորեայի առաջնորդների հանդիպման չեղարկման հնարավորությունը, հայտարարել է Կորեական թերակղզում իրավիճակի սրումը եւ կարգավորմանը վնաս հասցնելը թույլ չտալու անհրաժեշտության մասին, փոխանցում է «ՌԻԱ Նովոստի»–ն։
«Ռուսաստանը հետեւողական դիրքորոշում է զբաղեցնում այս հարցում։ Շատ կարեւոր է թույլ չտալ իրավիճակի սրում Կորեական թերակղզում եւ չվնասել կարգավորման գործընթացին, որը հազիվ է դեռ սկսել»,–նշել է նա НТВ հեռուստաալիքին տված հարցացրույցում։
ԱՄՆ-ի նախագահ Դոնալդ Թրամփը եւ Հյուսիսային Կորեայի առաջնորդ Կիմ Չեն Ընը մտադիր են հանդիպել հունիսի 12–ին, Սինգապուրում։ Նրանք պետք է քննարկեն հարաբերությունների կարգավորման հնարավորությունը, որ Հյուսիսային Կորեան իր անվտանգության սպառնալիքներ չտեսնի ու դադարեցնի հրթիռամիջուկային ծրագիրը։
