News
Լրահոս
News
Հինգշաբթի
Հոկտեմբեր 18
Տեսնել լրահոսը


Ես տեղեկացա Սննդի անվտանգության պետական ծառայության ղեկավար Իշխան Կարապետյանը մայիսի 10-ին եւ մայիսի 16-ին նամակներ է ստացել ՌԴ «Ռոսսելխոզնադզոր» կազմակերպությունից եւ ինձ համար անակնկալ էր, որ ես տեղյակ չեմ այդ նամակների մասին: Այս մասին, այսօր՝ մայիսի 24-ին, կառավարության նիստի սկզբում հայտարարեց ՀՀ վարչապետ Նիկոլ Փաշինյանը:

Նշենք, որ խոսքը վերաբերում է հայկական լոլիկի արտահանման ժամանակ ռուսական կողմից արգելքներին:

Փաշինյանը դիմեց Իշխան Կարապետյանին՝ նշելով. «Պարոն Կարապետյան, ես ուզում եմ իմանալ ձեր գործողությունները այս նամակները ստանալուց հետո: Ես վարչապետի պաշտոնն ստանձնելուց հետո զանգել եմ ձեզ եւ հարցրել, թե արդյոք խնդիրներ ունենք գյուղմթերքի արտահանման ոլորտում, դուք ասել եք, որ խնդիր չկա: Դրանից հետո դուք ստացել եք երկու նամակ: Իմանալով, որ ես այդ հարցով հետաքրքրված եմ, դուք ում եք զեկուցել եւ ինչ գործողություն եք ձեռնարկել խնդիրը լուծելու համար: Գյուղնախարարին, փոխվարչապետերին, վարչապետերին զեկուցե՞լ եք»:

Ի պատասխան ՍԱՊԾ պետը նշեց, որ նման նամակները կրում են պարբերական բնույթ, տարվա ընթացքում ստանում ենք բազմաթիվ նամակներ. «Տվյալ դեպքում՝ հարցը աշխատանքային կարգով քննարկվել է մեր ռուս գործընկերների հետ: Աշխատանքային կարգով քննարկում ենք ունեցել «Ռոսսելխոզնադզորի» ղեկավարի հետ»:

Նրա խոսքով, նախ իրականացվել է տեղական մթերքի ուժեղացված բացթողնման ռեժիմ, որի վերաբերյալ ծառայությունը տարածել է հայտարարություն. «Հիմնական խնդիրները վերաբերում են Հայաստանից արտահանվող ապրանքների մակնշմանը, ՌԴ արտահանման կոնկրետ վայրին: Հսկողությունն ուժեղացնում ենք, փորձելով հասկանալ, թե ինչ խնդիր է ի հայտ եկել»:

Իշխան Կարապետյանը տեղեկացրեց, որ կոնկրետ այդ նամակներում նշված է, որ տվյալ բեռում հայտնաբերվել է անհամապատասխանություն, բեռը հետ է ուղարկվել: Համապատասխան խմբաքանակը առանձնացնել է եւ հետ է վերադարձվել արտահանողին, իսկ մնացածը կրկին վերաարտահանվել է:

Փաշինյանը հետաքրքրվեց, թե ո՞րն է այն մարմինը, որը կերաշխավորի, որ մեր երկրից գյուղմթերքը կարտահանվի սահմանված չափանիշներին խիստ համապատասխան, ինչին ՍԱՊԾ պետն արձագանքեց. «Շատ հաճախ, երբ մեր արտահանողները իրականացնում են արտահանում, չունենալով լոգիստիկ կարողություններ, համապատասխան փաթեթավորման հնարավորություններ, արտահանում են երկրորդային օգտագործման արկղերով, մակնշումն էլ թերի են անում: Մենք իրազեկում ենք իրականացրել, որոնց արդյունքում վերջին 2-3 օրում Վերին Լարսում որեւէ ահազանգ չենք ստացել»:

ՀՀ վարչապետը զգուշացրեց, որ այլեւս նման դեպքեր չպետք է կրկնվեն. «Ակնկալում եմ, որ վերջին անգամ ենք այս հարցը քննարկում: Արտահանումը պետք է իրականացվի գյուղմթերքների պահանջներին խիստ համապատասխան: Գյուղմթերքի արտահանման ծավալները մեծանալու են եւ ես խնդրում եմ, որ ձեր ծառայությունը, գյուղնախարարությունը, ՊԵԿ-ը, բոլոր ջանքերը գործադրել, որ գյուղմթերքի արտահանումը տեղի ունենա բնականոն ռեժիմով»:

Մ«իաժամանակ Փաշինյանը նկատեց. «Այն ինչ խոսեցինք, դա չի նշանակում, որ պետք է նոր խոչընդոտներ ստեղծենք գյուղաիցների համար արտահանման գործում: Մեր նախարարությունները պետք է օգնեն գյուղացիներին, որ նրանք այդ պահանջները կատարեն, փաստաթղթավորումը պետք է լինի արագ, առանց խոչընդոտների: Եթե ասում ենք, որ ֆիտոսանիտարական պահանջները պետք է կատարենք, դա չի նշանակում, որ գյուղացու համար խնդիրներ պետք է ստեղծել»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կառավարությունը մաքսատուրքից ազատեց «ՅՈՒՆԻՎԵՐՍԱԼ ՔԼՈԶՐՍ» ՍՊԸ-ին
Նշենք, որ «ՅՈՒՆԻՎԵՐՍԱԼ ՔԼՈԶՐՍ» ՍՊԸ-ի կողմից ներմուծվող ապրանքներն օգտագործվելու են ալյումինե կափարիչների արտադրության մեջ...
Համաշխարհային բանկի ծրագրով Վայոց Ձորում նոր բազմապրոֆիլ հյիվանդանոց կկառուցվի. Նոր որոշում
Ակնկալվում է, որ ՀՀ կառավարության որոշման նախագծի ընդունումը կնպաստի ՀՀ Վայոց ձորի մարզում նոր բազմապրոֆիլ բժշկական կենտրոնի ստեղծմանը, վերջինիս կողմից մատուցվող բժշկական օգնության ծառայությունների որակի ապահովմանը...
«Ժողովուրդ». ՀՀԿ-ն քաղաքացիների թիկունքում դավեր է նյութել. Աջ ղեկով հայկական 130 մեքենա «գերի է» մնացել սահմանին
Ինչ խոսք, դա ՀՀԿ-ին հատուկ ձեռագիր է...
Ռուսաստանը պատրաստ է Հայաստանի հետ կիսվել բարդ դեղամիջոցների արտադրության տեխնոլոգիաներով. Պաշտոնյա
Ցուցահանդեսի հովանավորը «Մուլտի Գրուպ» կոնցեռնն է...
Մոնիթորինգ «Վեոլիա Ջուր»-ում. ՀԾԿՀ-ն հայտնաբերվել են ապօրինի ջրօգտագործման 100-ից ավել դեպքեր
Ավարտվեց «Վեոլիա Ջուր» ՓԲԸ-ի կողմից մատուցվող ծառայությունների սակագների հաշվարկներում ներառվող մանրածախ ջրամատակարարման փաստացի ծավալների…
«2018 թվականի մրցունակության համաշխարհային զեկույց». Հայաստանը 2 դիրքով բարելավել է ցուցանիշը
Հայաստանն իր դիրքով հինգերորդն է՝ զիջում է Ռուսաստանին, Ղազախստանին, Վրաստանին եւ Ադրբեջանին…
Ամենաշատ
Partner news