Կառավարության այսօրվա՝ մայիսի 24-ի նիստի ավարտին Աշխատանքի եւ սոցիալական հարցերի նախարար Մանե Թանդիլյանն անդրադարձավ հաշմանդամության կարգ շնորհելու գործընթացներին:
Նա դիեմլով ՀՀ վարչապետ Նիկոլ Փաշինյանին՝ ասաց. «Ձեզ հետ քննարկումից հետո մեր ձեռք բերված պայմանավորվածության արդյունքում ես ուզում էի զեկուցել, թե ինչ քայլեր են ձեռնարկվել»:
Թանդիլյանի խոսքով, նախարարությունը հսկողական վերափորձաքննություններ էր նշանակում, ինչը դադարեցվել է. «Դրանք այլեւս չեն նշանակվելու, որի արդյունքում էլ տեղի է ունենում կարգի փոփոխություն կամ դադարում: Երկրորդը՝ ընդհանուր տեսակի փորձաքննություններն էին, որոնք ժամանակացույցով նշանակվում էին, եւ դրանք դեռ ընթացքի մեջ են, սակայն հստակ հանձնարարականներ կան, որ եթե խնդիրներ լինեն, դիմեն նախարարություն:
Նաեւ համաներման առումով քանի որ արդեն որոշումներ են կայացվել, որոնց արդյունքում եղել են գործեր, որոնք եղել են առանց հիմնավորումների եւ հաշմանդամության կարգ է փոխվել, ես հանձնարարական եմ տվել, որ իրավապահներին ուղղվեն այդ գործերը, եւ հասկանանք, թե թե ինչու է այդպես տեղի ունեցել: Եվ այն քաղաքացիները, որոնք դրա հետեւանքով զրկվել են կենսաթոշակից, համաներման նախագիծ եմ նախաձեռնել, որը կներկայացնենք ձեր ուշադրությանը, որ կարողանանք վերականգնել այդ ճանապարհով մարդկանց հաշմանդամության կարգը, որը փոփոխվել է կամ կրճատվել»: