«Սասնա ծռերի» գործով դատական նիստին այսօր` մայիսի 24-ին, Երեւանի ընդհանուր իրավասության դատարանի Ավանի եւ Նոր Նորքի նստավայրում փաստաբանները գործով ամբաստանյալների խափանման միջոցը փոխելու միջնորդություն ներկայացրեցին:
Նշենք, որ այսօր դատական նիստին ներկա է Կարո Եղնուկյանը, ով մեղադրվում է Սասնա ծռերին աջակցելու մեջ:
Տեւական ժամանակ նա նիստերին չէր մասնակցում առողջական խնդիրների պատճառով: «Սասնա ծռերի» անդամները միացան միջնորդությանը, Աշոտ Պետրոսյանն էլ դատավորին ասաց, որ նա դաժան բայց արդար դատավոր է, ինչին Արտուշ Գաբրիելյանը պատասխանեց. «Որ չխոսես չի լինի չէ»:
Դատախազներն էլ դեմ արտահայտվեցին միջնորդությանը նշելով, որ եկրում քաղաքական իրավիճակ է փոխվել, սակայն իրավական հիմքեր չեն փոխվել:
Դատարանը հեռացավ խորհրդակցական սենյակ, միջնորդության մասին որոշումը կհրապարակվի 15:30-ին:
Նշենք, որ Արտուշ Գաբրիելյանը քննում է «Սասնա ծռեր» խմբի անդամներ Արմեն Լամբարյանի, Աշոտ Պետրոսյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Մանվել Աթոյանի, Վարդգես Գեւորգյանի, Կարո Եղնուկյանի և Խաչատուր Գիչյանի առանձնացված մասով գործը: