Հյուսիս–Հարավի հարցում չարաշահումների կոնկրետ փաստեր դեռ չունենք։ Այս մասին այսօր՝ մայիսի 24–ին կառավարության նիստից հետո կայացած ճեպազրույցի ժամանակ հայտարարել է ՀՀ տրանսպորտի, կապի եւ տեղեկատվական տեխնոլոգիաների նախարար Աշոտ Հակոբյանը։
«Իսկ ներհայաստանյան շինարարության ոլորտում կան կոռուպցիոն ռիսկեր պարունակող ատրիբուտներ, որոնց ուղղությամբ կփորձենք օրենսդրական նախաձեռնությունների, ոլորտը կարգավորող նորմերի փոփոխությամբ լուծել խնդիրները։ Առանձին կազմակերպությունների ձևական մասնակցությանը վերաբերող փաստերին։ Մեր տրմաբանության մեջ չի տեղավորվում, որ մարդիկ կարող են չնչին գումարներով 3 ամիս տեխնիկական հսկողություն իրականացնել։ Մի կողմից բյուջեի համար դրական է եղել, որ մրցույթները ցածր գներով են շահել, բայց պետք է ամեն ինչ տրամաբանության շրջանակներում լինի»,–նշել է նա։
Նկատառմանը, որ տենդերները մշտապես նույն մարդիկ են շահել, նախարարը նկատեց, որ դրանք նույն մարդիկ չեն, քանի որ ծրագրրեն էլ են շատ։ «2 օր առաջ բոլորի հետ հանդիպել ենք, քանի որ ճանապարհաշինության մեկնարկը տրված է արդեն։ 25-30 կազմակերպություններ կան, ամեն մեկը իր հնարավորության, տեխնիկան հագեցվածության շրջանակներում է մասնակցում այդ ծրագրերին։ Խստացնելու առումով որոշ բաներ արդեն արված են, կատարված աշխատանքի երաշխիքի առումով, շուրջ 7 տարի սպասարկելու առումով»,–եզրափակեց նախարարը։