News
Լրահոս
News
Երկուշաբթի
Օգոստոս 20
Տեսնել լրահոսը


Քիչ առաջ Երեւանի ընդհանուր իրավասության դատարանի Ավանի եւ Նոր Նորքի նստավայրի դահլիճից 10 միլիոն գրավի դիմաց ազատ արձակված Կարո Եղնուկյանը կարծում է, որ իր ազատ արձակումը կապված է թավշյա հեղափոխության հետ: Այս մասին նա ասաց լրագրողների հետ զրույցում դատարանի դահլիճից ազատ արձակվելուց հետո:

«Առաջին հերթին թավշյա հեղափոխությունը ժողովրդի սրտերում է եղել, ժողովուրդն է ազատ արձակվել: Եթե այս հեղափոխությունը չլիներ այսօր ես գրավով ազատ չէի արձակվի, դա միանշանակ: Այս մարսիկ սովորել են,որ դատախազը պետք է բերի մեղադրանքը, դատարանն էլ պեչատը դնի »,-ասաց նա:

Կարո Եղնուկյանը անդրադարձավ «Սասնա ծռերի» գործին եւ ասաց, որ  գործով ոստիկանների սպանությունը չի բացահայտվել, պետք է բացահայտեն, նոր մեղադրեն եւ ընդհանրապես «Սասնա ծռերի» գործը քննելիս պետք է դրդապատճառները քննել, նոր մեղադրանք առաջադրեն:

Կարո Եղնուկյանի կարծիքով իշխանությունները ցանկանում էին ահաբեկիչ պիտակը կպցնել «Սասնա ծռերին», սակայն դա նրանց չհաջողվեց:

«Երբ որ ես էլ սկսեցի խոսել, ասացին էս մարդը վտանգավոր է, եկեք իր բերանն էլ փակենք, եւ ինձ ձերբակալեցին: Հիմա «Սասնա ծռերին» կարող են մեղադրել զենք վերցնելու մեջ, դրա համար կա օրինական պատիժ, սակայն դա էլ քննարկելուց պետք է վերադառնալ դրդապատճառին, ինչը էս դեպքում չի քննարկվում»,- ասաց նա:

Նշենք, որ Կարո Եղնուկյանը ազատ արձակվելուց հետո  հայտարարել էր, որ այցելելու է արդեն մոտ մեկ ամիս հացադուլի մեջ գտնվող Հիմնադիր խորհրդարանի նախագահ Գարեգին Չուգասզյանին եւ հորդորելու է նրան դադարեցնել հացադուլը, սակայն մինչեւ այնտեղ հասնելը Չուգասզյանին էր այցելել վարչապետ Նիկոլ Փաշինյանը եւ նրա խնդրանքից հետո Չուգասզյանը դադարեցրել էր հացադուլը:

Նշենք, որ Կարո Եղնուկյանի համար բազմիցս գրավի դիմաց միջնորդել էին ազատ արձակել, սակայն դատարանը այդ միջնորդությունները մերժել էր:

Տպել
Partner news