Կուբայում Boeing 737 ինքնաթիռի կործանման հետեւանքով ողջ մնացած երեք կանանցից երկրորդը մահացել է: Այս մասին հայտնում է կուբական Radio Reloj-ի եւ առողջապահության կայքերը, փոխանցում է «ՏԱՍՍ»-ը:
40-ամյա Էմիլի Սանչեսը մահացել է Հավանայի հիվանդանոցներից մեկում: Այդպիսով, մայիսի 18-ին տեղի ունեցած ավիավթարի զոհերի թիվը հասել է 112-ի:
Սանչեսը Օլգին քաղաքից էր, ուր եւ ողբերգության օրը ուղեւորվում էր ինքնաթիռը. Վերջին տարիներին նա այնտեղ էր ապրում:
Կենդանի մնացած վերջին կնոջ՝ 19-ամյա Մայլեն Դիասի վիճաը շարունակում է մնալ ծայրահեղ ծանր:
