News
Լրահոս
News
Ուրբաթ
Հոկտեմբեր 19
Տեսնել լրահոսը

Այս պահին նոր ատոմակայան կառուցելու վերաբերյալ քննարկումների անհրաժեշտություն չկա։ Այս մասին այսօր՝ մայիսի 25-ին, Մեծամորի ատոմակայանում շրջայցից հետո լրագրողների հետ զրույցում հայտարարեց Էներգետիկ ենթակառուցվածքների եւ բնական պաշարների նախարար Արթուր Գրիգորյանը՝ հավելելով, որ նոր ատոմակայանի կառուցման եւ նման հարցերով վարչապետ Նիկոլ Փաշինյանի հետ քննարկումներ չի ունեցել:

«Կարճ ժամանակ է, ինչ կառավարությունը ձեւավորված է եւ այս պահին, ինչքան ինձ զեկուցել են, ինչքան որ ես փոխնախարարների հետ քննարկել եմ, այս պահին չկա անհրաժեշտություն նոր ատոմակայան կառուցելու համար»,-ասաց նա:

Լրագրողները հիշեցրին, որ նոր պաշտոնում իրեն՝ նախարարին, նախարարության աշխատակազմին ներկայացնելիս վարչապետն ասել է, որ նոր ատոմակայանի հարցն իրենց ուշադրության կենտրոնում է, նախարարը պատասխանեց. «Գիտեք ինչ, դա խորը մասնագիտական, փորձագիտական վերլուծություններ է պահանջում։ Մենք չենք կարող միանգամից ասել, որ մենք նոր ատոմակայան ենք կառուցելու։ Մենք Հայաստանի էներգետիկ համակարգի անխափան աշխատանքի համապատասխան քանակութամբ մեր ներքին շուկայի սպառման համար ունենք այսօր բավարար էլեկտրաէներգիա արտադրող կառույցներ։ Նոր ատոմակայանի կառուցման հետ կապված որեւիցե քննարկում, որոշում չկա: Կլինի՝ ես տեղյակ կպահեմ»:

Նախարարի խոսքով, նոր ատոմակայան կառուցելու համար համապատասխան ֆինանսական միջոցներ չունեն, բացի այդ, նաեւ անհրաժեշտություն էլ չունեն. «Դա չի նշանակում, որ այդ հարցերը քարացած են եւ փոփոխություն չի լինելու, ընթացքում կքննարկենք»:

Հարցին, թե եթե այդուհանդերձ որոշում կայացնի նոր ատոմակայան կառուցել, ինչ հզորություն է այն ունենալու, նախարարը պատասխանեց, որ կկառուցվի նույն հզորության ատոմակայան, ինչ հիմա կա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Գազպրոմի» աշխատավարձի ֆոնդը 12 մլրդ դրամ է. որքան աշխատավարձ են ստանում առաջին 50 պաշտոնյաները. ԱԺ փոխնախագահ
Վերջինս առաջարկեց սահմանել հստակ սակագներ բոլորի համար, ոչ թե մի խավի համար այս սսկագինն է, մեկ ուրիշ խավի համար՝ մեկ այլ սակագին...
Ո՞վ է որոշում, որ «Գազպրոմի» շահութաբերությունը պետք է լինի 10 տոկոս, իսկ ՀԷՑ-ինը՝ 14 տոկոս․ Միքայել Մելքումյան
Չի կարելի 10-15 տարի ասել, որ գազի եւ էլեկտրաէներգիայի սակագների իջեցման մասին խոսելու ժամանակը չէ...
Հովիկ Աղազարյանն ընտրվեց Գազի և էլէներգիայի հարցերով ԱԺ քննիչ հանձնաժողովի փոխնախագահ
Նախագահի տեղակալը պետք է լինի իշխանության ներկայացուցիչ, հետեւաբար առաջարկում եմ «Ելք» խմբակցության անդամ Հովիկ Աղազարյանի թեկնածությունը…
Հայկական ատոմային ոլորտի մասնագետներն ուսումնասիրել են համաշխարհային լավագույն փորձը` ՀԱԷԿ-ում կիրառելու համար
Հայ մասնագետներն ուսումնասիրել են Սմոլենսկի ԱԷԿ-ի ժամանակավոր մոդիֆիկացիաների կառավարման, կոնֆիգուրացիաների հսկողության, էներգաբլոկների աշխատանքների մշտադիտարկման…
Հայաստանում, հնարավոր է, որոշ գետերի վրա արգելեն փոքր ՀԷԿ-երի կառուցումը
Կառավարության առաջարկը չի վերաբերում նախկինում կառուցված ՀԷԿ-երին…
Գերմանացի դիվանագետ․ ԱՄՆ-ը չպետք է սահմանի եվրոպական էներգետիկ քաղաքականությունը
Մենք պետք է խորհրդակցենք եվրոպական գործընկերների հետ․․․
Ամենաշատ
Partner news