News
Լրահոս
News
Երկուշաբթի
Հոկտեմբեր 22
Տեսնել լրահոսը


ԱԱԾ-ն շարունակում է տեղեկություններ հրապարակել կոռուպցիոն բացահայտումների մասին: Հերթական գործով հարցաքննության են կանչվել Պետեկամուտների կոմիտեի նախագահի երկու նախկին տեղակալները: Ծառայությունը հանցավոր սխեմա է բացահայտել, որի միջոցով խոշոր ընկերությունը չարամտորեն խուսափել է հարկեր, տուրքեր եւ պարտադիր այլ վճարումներ կատարելուց: Հատկանշական է, որ ընկերության ձեւավորման եւ գործունեության կազմակերպման հետ անմիջական առնչություն են ունեցել Պետեկամուտների կոմիտեի բարձրաստիճան պաշտոնյաներ: Ընկերության գլխավոր տնօրեն Արմեն Ունանյանը եւ պատասխանատու եւս երեք աշխատակիցներ ձերբակալվել են: Նախաքննությունը շարունակվում է:

Նիկոլ Փաշինյանն այսօր Զինված ուժերի անձնակազմին է ներկայացրել Գլխավոր շտաբի նորանշանակ պետ Արտակ Դավթյանին: Շտաբի նախկին ղեկավար Մովսես Հակոբյանը հանդիսավորությամբ Դավթյանին է հանձնել զինուժի ռազմադրոշը: Վարչապետը ներկայացրել է հրատապ լուծման կարիք ունեցող խնդիրները եւ Արտակ Դավթյանից ակնկալիքները:

Էդմոն Մարուքյանն իրատեսական է համարում աշնանն արտահերթ խորհրդարանական ընտրությունների անցկացումը: Սակայն մինչ այդ, «Ելք» խմբակցության պատգամավորի խոսքով, դեռ խորհրդակցություններ պետք է անցկացվեն, Ընտրական օրենսգրքում փոփոխություններ արվեն: Խորհրդարանում մեծամասնություն կազմող Հանրապետականը բաց է ցանկացած քննարկման համար, սակայն, Վահրամ Բաղդասարյանն Ընտրական օրենսգրքի փոփոխության եւ արտահերթ ընտրությունների կարիք չի տեսնում:

«Ելք» խմբակցությունը մինչեւ հիմա ղեկավար չունի: Էդմոն Մարուքյանն ասել է՝ առաջիկա շաբաթվա ընթացքում այդ հարցն էլ կքննարկեն ու որոշում կկայացնեն: Նշել է, որ քննարկվում է նաեւ իր թեկնածությունը, ինքն էլ նորմալ է համարում Լենա Նազարյանի թեկնածությունը, որին խմբակցության ղեկավար է ցանկանում տեսնել Փաշինյանի «Քաղաքացիական պայմանագիր» կուսակցությունը:

Վահրամ Բաղդասարյանն ու Էդմոն Մարուքյանը ճեպազրույցների ընթացքում անդրադարձել են նաեւ Զինված ուժերի գլխավոր շտաբի պետի նշանակմանը եւ հնչած քննադատություններին: Մասնավորապես, պաշտպանության նախկին փոխնախարար Արթուր Աղաբեկյանը ֆեյսբուքում գրել էր, որ ամենապատասխանատու պաշտոնին նշանակվել է ամենաանպատրաստ գեներալը: Մարուքյանը սա նորմալ չի համարում:

Հունիսի 1-ից Մեծամորի ատոմակայանի ռեակտորի եւ թիվ 3 տուրբոագրեգատի աշխատանքը դադարեցվելու է. այստեղ լայնամասշտաբ վերակառուցման աշխատանքներ են մեկնարկում: Դրանք ամբողջությամբ ավարտին կհասցվեն դեկտեմբերի 1-ին: Մինչ այդ, նախարար Արթուր Գրիգորյանի հավաստմամբ, սակագնի փոփոխություն կամ էներգամատակարարման խնդիրներ չեն լինի: Վերակառուցման աշխատանքներից հետո ատոմակայանի կյանքը կերկարացվի 10 տարով: Ու թեեւ նոր ատոմակայանի կառուցումը ժամանակատար է, կառավարությունում այդ հարցը դեռեւս չի քննարկվում:

Ինչ վերաբերում է գազին. այս էներգակրի սակագնի հարցում նախարարը համամիտ է նախորդ իշխանությունների հնչեցրած կարծիքին՝ իրանական գազը սահմանին ռուսականից շատ ավելի թանկ է:

Դոնալդ Թրամփը չեղարկել է Կիմ Չեն Ընի հետ հանդիպումը. Միացյալ Նահանգների եւ Հյուսիսային Կորեայի ղեկավարները պետք է հանդիպեին հունիսի 12-ին Սինգապուրում: Թրամփը նշել է, որ շատ էր ցանկանում հանդիպել Հյուսիսային Կորեայի առաջնորդի հետ, սակայն նրա «վերջին հայտարարությունը, որը լի էր զայրույթով եւ բաց թշնամանքով», իրեն դրդել է այն մտքին, որ երկար սպասված հանդիպումը ներկայում տեղին չէ: 

Նշենք, որ Վաշինգտոնին զայրացրել է Հյուսիսային Կորեայի ԱԳ փոխնախարարի  հայտարարությունը, որում վերջինն ԱՄՆ փոխնախագահ Մայք Փենսին հիմար է անվանել, որը թույլ է տվել «լիբիական սցենարի» իրագործումը երկու երկրների հարաբերություններում: Փհենյանի կարծիքով՝ դա պարզապես պատասխան է ԱՄՆ-ի վարքին: Կիմ Չեն Ընն էլ ափսոսանք է հայտնել գագաթնաժողովի անսպասելի չեղարկման համար՝ հայտարարելով, որ ամերիկացի առաջնորդն այդ որոշումը կայացրել «կամքի պակասի կամ ինքնավստահության բացակայության պատճառով»:

Հայաստանի դպրոցներում այսօր ավարտական դասարանների աշակերտների համար հնչեց «Վերջին զանգը»: Կրթության նախարարը շրջանավարտներին շնորհավորել է Փարիզից: Հանրապետության հիմնական դպրոցների 9-րդ դասարաններն այս տարի 31.300 շրջանավարտ ունեն, ավագ դպրոցների 12-րդ դասարանները՝ 9.600: Ավարտական եւ պետական ավարտական քննություններն այս տարի կմեկնարկեն հունիսի 8-ին: Իսկ մինչ այդ՝ դպրոցներում այսօր տոնական տրամադրություն էր, իսկ երեկոյան վարչապետ Նիկոլ Փաշինյանը սահմանամերձ գյուղերի շրջանավարտներին կառավարական առանձնատուն էր հրավիրել՝ «Վերջին զանգը» միասին տոնելու:

Մայիսի 25-ին դոլարը շարունակել է ամրապնդել դիրքերը, եվրոն եւ ռուբլին էժանացել են: Դոլարի փոխարժեքը կազմել է 482 դրամ, եվրոյինը՝ 565, ռուբլունը՝ 7 դրամ 81 լումա, ֆունտինը՝ 644 դրամ:

Մայիսի 26-ին եւ 29-30-ը հանրապետության շրջանների զգալի մասում ժամանակ առ ժամանակ սպասվում է անձրեւ եւ ամպրոպ: Օդի ջերմաստիճանն էապես չի փոխվի: Երեւանում նույնպես ժամանակ առ ժամանակ տեղումներ կլինեն: Մայրաքաղաքում գիշերը կդիտվի +14+16, ցերեկը՝ +26+28 աստիճան տաքություն:

Տպել
Կարդացեք նաև
Ամբողջը
Օրվա գլխավոր լուրերը՝ «մեկ տողով». 18.10.2018
Ռոբերտ Քոչարյանը պատրաստվում է կուսակցություն ստեղծել եւ ընդդիմություն դառնալ...
Օրվա գլխավոր լուրերը՝ «մեկ տողով». 17.10.2018
Նախօրեին նշանակված երեք նախարարները ամենակարճ պաշտոնավարման ռեկորդ սահմանեցին...
Օրվա գլխավոր լուրերը՝ «մեկ տողով». 16.10.2018
Վարչապետ Նիկոլ Փաշինյանը հրաժարական տվեց: Հանրայինի եթերից նա բացատրել է հրաժարականի նպատակը, ասել է՝ չի փախչում պատասխանատվությունից, այլ, ընդհակառակը, ավարտին է հասցնում հեղափոխությունը...
Օրվա գլխավոր լուրերը՝ «մեկ տողով». 15.10.2018
Երդմնակալությունը նախորդներից տարբեր դարձրեց նաեւ Նավասարդ արքեպիսկոպոս Կճոյանի հեղափոխական «տերմինաբանությամբ» օրհնանքը...
Օրվա գլխավոր լուրերը՝ «մեկ տողով». 11.10.2018
Արտահերթ խորհրդարանական ընտրությունները Հայաստանում տեղի կունենան դեկտեմբերի 9-ին կամ 10-ին...
Օրվա գլխավոր լուրերը՝ «մեկ տողով»
Հոկտեմբերի 10–ին մահացել է «Սասնա ծռեր» խմբի անդամ, «Միայնակ գայլ» անունով հայտնի Արայիկ Խանդոյանը...
Ամենաշատ
Partner news