Porsche ընկերությունը անսովոր ակցիայի անցկացման մասին է հայտարարել: Գերմանական արտադրողը հետ կկանչի My First Porsche-Wooden Cars շարքի 1700 փայտե խաղալիք ավտոմեքենաները: Պատճառը անիվների ոչ հուսալի ամրացումն է, ինչի պատճառով երեխան կարող է դրանք կուլ տալ եւ խեղդվել, փոխանցում է Motor-ը:
Ընդհանուր նման 2030 մեքենա է վաճառվել: Գնորդներին խորհուրդ են տալիս դադարեցնել դրանց օգտագործումը, կապ հաստատել Porsche-ի տեղական ներկայացուցչի հետ եւ գումարը հետ ստանալ:
101,6 մմ երկարությամբ եւ 38.5 մմ բարձրությամբ փայտե մեքենաները վաճառվել էին 2015-ի մարտից մինչեւ 2018-ի ապրիլ: Մեկ մեքենայի գինը 25 դոլար է: