Հրդեհը տեղի է ունեցել Էստոնիայի կենտրոնական հրաձգարանում, հրդեհի մարման աշխատանքներին ներգրավվել են պաշտպանության ուժերի զինծառայողները ու կամավոր փրկարարները, հայտնում է Ինտերֆաքսը՝ վկայակոչելով փրկարակական բաժանմունքը։
Մայիսի 25-ին ահազանգ է ստացվել կենտրոնական հրաձգարանում սկսված հրդեհի ու պայթյունների մասին։
Կրակը տարածվել է արագ, այրվել է երիտասարդ անտառն ու հողը, ծուխը տարածվել է նաեւ հարեւան տարածքների վրա։ Հրդեհը տարածվել է 15 հեկտարի վրա։ Հետախուզություն իրականացնելու համար գործածվել է փրկարարական անօդաչու սարք։ Փրկարարներից բացի մարման աշխատանքներին ներգրավվել են պաշտպանության ուժերի օդանավը, զինծառայողները՝ փրկարարական տեխնիկայով, կամավորներ։
«Բնակիչների համար սպառնալիք չկա, մարման աշխատանքները՝ պաշտպանության ուժերի հետ համատեղ մարման աշխատանքները շարունակվում են»,- ասել է փրկարարական աշխատանքների ղեկավար Անդրուս Աասմյաեն։