Բացահայտվել է Հրազդանի կիրճում հայտնաբերված դիակի ինքնությունն ու մահվան հանգամանքները:
Ապրիլի 26-ին ոստիկանությունում հաղորդում էր ստացվել, որ Հրազդանի կիրճում դիակ կա:
Դեպքի վայր մեկնած օպերատոիվ խումբը էլեկտրասյուներից մեկի մոտ հայտնաբերեց Նոր Խարբերդի բնակիչ 29-ամյա բնակիչ Արտյոմ Հովհաննիսյանի դին:
Նշանակվեց դատաբժշկական փորձաքննություն, փաստի առթիվ հարուցվեց քրեական գործ:
Ոստիկանները պարզեցին, որ Հովհաննիսյանը ապրիլի 25-ին հանդիպել էր ընկերների գյումերիցի 27-ամյա Ռուբեն Շուխյանի եւ 29-ամյա Վարազդատ Մելքոնյանի հետ:
Պարզվել է, որ ընկերները օգտագործել են նախապես ձեռք բերված սփայս տեսակի թմրամիջոց, Հովհաննիսյանի ինքնազգացողությունը կտրուկ վատացել է ու նա մահացել է: Շուխյանն ու Մելքոնյանն էլ դին մեքենայով տեղափոխել են Հրազդանի կիրճ ու հեռացել:
Քննությունը շարունակվում է:
