ԱՄՆ վարչակազմը Վենեսուելայի բանտից ԱՄՆ քաղաքացի Ջոշուա Հոլտի ազատ արձակումից հետո չի պատրաստվում Կարակասի հանդեպ քաղաքական ուղին փոխել: Այս մասին, ՏԱՍՍ-ի հաղորդմամբ, նշվում է ԱՄՆ պետքարտուղար Մայք Պոմպեոյի հայտարարության մեջ:
Պոմպեոն նշել է, որ «ԱՄՆ-ն ողջունում է Ջոշուա Հոլտի եւ նրա կնոջ՝ Թամարայի ազատ արձակումը, որոնք առանց պատճառի կալանավորվել էին Վենեսուելայի բանտում»: «Վենեսուելայի նկատմամբ Միացյալ Նահանգների քաղաքականությունը մնում է նույնը: ԱՄՆ-ն ինչպես եւ նախկինում աջակցում է Վենեսուելայի ժողովրդին եւ ժողովրդավարությունը վերականգնելու նրանց ջանքերին»: Պոմպեոն նաեւ շնորհակալություն է հայտնել մի շարք ամերիկացի օրենսդիրներին, ովքեր, ըստ նրա, նպաստել են Հոլտի ազատմանը:
Ավելի վաղ շաբաթ ԱՄՆ նախագահ Դոնալդ Թրամփը Twitter-ում գրել էր, որ Հոլտը ազատվել է բանտից եւ հայրենիք է վերադառնում: