Սիրիայում՝ Դեր Զոր նահանգում, զինյալների հարձակման արդյունքում 4 ռուս զինծառայողներ զոհվել են, եւս 3-ը վիրավորվել: Այս մասին հաղորդում է «ՌԻԱ Նովոստին»՝ վկայակոչելով ՌԴ Պաշտպանության նախարարության հայտարարությունը:
Ըստ գերատեսչության տվյալների, ռուսական զինվորականները օգնել են սիրիացիներին հետ մղել մի քանի ահաբեկչական խմբերի հարձակումը: Ընդհանուր առմամբ բախումների հետեւանքով զոհվել է 43 զինյալ:
Մարտի ընթացքում երկու ռուս ռազմական խորհրդատուներ տեղում մահացել են: Հինգը վիրավորվել եւ անհապաղ տեղափոխվել են Ռուսաստանի ռազմական հոսպիտալ: Բժիշկները չեն կարողացել փրկել երկու վիրավորներին:
Բոլոր մահացած զինծառայողները հրամանատարության կողմից պետական պարգեւների համար են ներկայացվել:
