Հայաստանի ԱԻՆ-ում, այսօր՝ մայիսի 27-ին, ժամը 12:08-ին «911» ծառայությանն ահազանգ է ստացվել, որ Երեւան-Սեւան Մ4 ավտոճանապարհին՝ Հրազդան քաղաքի մոտակայքում, տեղի է ունեցել ավտովթար՝ «Prado» մակնիշի ավտոմեքենան դուրս է եկել ճանապարհի երթեւեկելի հատվածից եւ հարվածել ծառին:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Երեւան-Սեւան Մ4 ավտոճանապարհի 50-րդ կմ-ին «Prado» մակնիշի ավտոմեքենան (վարորդը՝ Գ. Մ., ծնված 1983 թ.) դուրս է եկել ճանապարհի երթեւեկելի հատվածից (մոտ 7 մ) եւ հարվածել ծառին: Բախման հետեւանքով ծառը կոտրվել եւ ընկել է նշված ճանապարհով երթեւեկող «BMW» մակնիշի ավտոմեքենայի (վարորդը՝ Հ. Մ., ծնված 1993 թ.) վրա:
Փրկարարները հոսանքազրկել են ավտոմեքենան եւ վարորդ՝ Գ. Մ.-ին մոտեցրել շտապօգնության ավտոմեքենային: Այնուհետեւ հոսպիտալացվել է Հրազդանի ԲԿ, որտեղ բժիշկները նրա առողջական վիճակը գնահատել են միջին ծանրության:
