Լոնդոնի Սթենսթեդ օդանավակայանում կայծակի հարվածից օդանավակայանի լիցքավորման համակարգի վնասվելու պատճառով տասնյակ չվերթներ չեղյալ են հայտարարվել կամ հետաձգվել: Այս մասին հաղորդում է «ՌԻԱ Նովոստին»՝ հղում անելով օդանավակայանի հայտարարությանը:
Այժմ ինժեներները վերականգնել են լիցքավորման համակարգերը, սակայն չվերթները դեռ որոշ ժամանակ կհետաձգվեն եւ չեղյալ կհայտարարվեն:
Օդանավակայանը խորհուրդ է տալիս ուղեւորներին թռիչքի մասին տեղեկությունները ավիաընկերությունների կայքերում ստուգել:
Այս գիշեր Բրիտանիայում կայծակի ուղեկցությամբ, հորդառատ անձրեւով ուժեղ ամպրոպ է նկատվել: BBC Weather օդերեւութաբանական կենտրոնը 4 ժամվա ընթացքում կայծակի մոտ 15 առկայծում է գրանցել:
Բրիտանական օդերեւութաբանական կենտրոնը անձրեւի եւ ջրհեղեղի պատճառով երկրի որոշ մասերում վտանգի «դեղին» աստիճան է հայտարարել:
