Իսրայելը թույլ չի տա, որ Իրանը Սիրիայում ամրապնդի իր դիրքերը եւ Սիրիայից Լիբանան առաջադեմ զենքի տեղափոխմանը կամ Լիբանանի տարածքում ժամանակակից զենքի արտադրության դեմ կգործի: Այս մասին կիրակի Իսրայելի կառավարության նիստի ժամանակ հայտարարել է Իսրայելի վարչապետ Բինիամին Նեթանյահուն, հաղորդում է ՏԱՍՍ-ը:
«Մենք աշխատում ենք Սիրիայում Իրանի՝ մեր դեմ ուղղված ռազմական ներկայության ստեղծման կանխման ուղղությամբ, մենք նաեւ Սիրիայից Լիբանան մահացու զենքի տեղափոխմանը կամ Լիբանանի տարածքում դրանց արտադրության դեմ ենք գործում», - ասել է նա:
«Այս բոլոր զենքերը նախատեսված են Իսրայել պետության դեմ եւ ինքնապաշտպանության իրավունքի հիման վրա մենք կանխում ենք դրանց արտադրությունը կամ փոխանցումը», -ասել է նա:
Իսրայելի կառավարության ղեկավարը կարծում է, որ «Թեհրանի ռեժիմը հիմնական տարրն է, որը խաթարում է Մերձավոր Արեւելքում կայունությունը»: Նեթանյահուն նշել է, որ նրա ագրեսիայի դեմ ուղղված արշավը դեռ չի ավարտվել: