Ջուզեպպե Կոնտեն հրաժարվել է ղեկավարել իտալական կառավարությանը: Այս մասին կիրակի օրը հայտնել է Իտալիայի նախագահի աշխատակազմի գլխավոր քարտուղար Ուգո Դզամպետին, փոխանցում է «ՏԱՍՍ»-ը:
Նրա ելույթը հեռարձակվել է պետական Rai հեռուստատեսությամբ:
Իտալիայի նախագահ Սերջիոո Մատարելլան հանձնարարել էր Կոնտեին ձեւավորել ազգային կառավարության չորեքշաբթի օրը՝ մայիսի 23-ին: Կոնտեն Մատարելլային պետք է զեկուցեր իր աշխատանքի արդյունքների մասին եւ ներկայացներ իր ապագա կաբինետի կազմը:
Ավելի վաղ նախագահի հետ հանդիպումից հետո Կոնտեն հայտարարել էր, որ մտադիր է պատշաճ կերպով կատարել Իտալիայի պարտավորությունները եվրոպական եւ միջազգային մակարդակներում, միաժամանակ պաշտպանել երկրի շահերը Եվրամիության ինստիտուտներում:
