Մերձարեւադարձային «Ալբերտո» մրրիկի հետեւանքով ԱՄՆ վնասը կարող է կազմել մեկ միլիարդ դոլարից ավելի, փոխանցում է «Բլումբերգ» գործակալությունը՝ վկայակոչելով Enki Research հետազոտական կենտրոնի մասնագետ Չաք Ուոթսոնին:

Ուոթսոնի խոսքով՝ տարածաշրջանին մրրիկի պատճառած անմիջական վնասը կարող է կազմել 400-500 մլն դոլար: Տարածաշրջանը եւս 600 մլն դոլար կարող է կորցնել այն պատճառով, որ այնտեղ զբոսաշրջիկներ չեն գա:

2018 թվականին «Ալբերտոն» առաջին մերձարեւադարձային փոթորիկն է, որ անուն է ստացել: Փոթորկին անուն է տրվում, երբ այն ուղեկցող քամու արագությունը հասնում է ժամում 62 կիլոմետրի: Ժամում 119 կիլոմետրից հետո այն մրրիկ է դառնում:

Ավելի վաղ ամերիկյան երեք նահանգների՝ Ալաբամայի, Ֆլորիդայի եւ Միսիսիպիի իշխանությունները հայտարարել էին, որ «Ալբերտոյի» մոտենալու հետ կապված  արտակարգ դրություն են հայտարարել:

ԱՄՆ-ում քաղաքը, որը նոր էր ուշքի գալիս հեղեղումից, կրկին ջրով է ծածկվել