Այս եւ հաջորդ տարվա ընթացքում ֆրանսիական բանտերից ազատվելու է շուրջ 40 դատապարտված ահաբեկիչ: Այս մասին BFM-ին տված հարցազրույցում հայտարարել է դատախազ Ֆրանսուա Մոլինսը: Նա նշել է, որ ահաբեկիչների վերադարձը հասարակություն «մեծ վտանգ է»:
Դատախազի խոսքով, Ֆրանսիան դեռեւս «Իսլամական պետության» կողմնակիցների պատճառով լուրջ սպառնալիքի հետ է բախվում: Նա նշել է, որ 600-700 ֆրանսիական ծայրահեղականներ անհետ կորել են Իրաքի եւ Սիրիայի շրջաններում ` ենթադրելով, որ նրանցից շատերը, հավանաբար, սպանվել են, այդ թվում նաեւ 2015 թվականի նոյեմբերին Փարիզում տեղի ունեցած ահաբեկչությունների կազմակերպիչները: