ՀՀ հանրային ծառայությունները կարգավորող հանձնաժողովն այսօր՝ մայիսի 30-ին, իր նիստում քննարկել է ՀՀ տարածքում վերականգնվող էներգետիկ ռեսուրսների օգտագործմամբ էլեկտրական էներգիա արտադրող կայաններից առաքվող էլեկտրական էներգիայի վաճառքի սակագների վերանայման հարցը:
ՀԾԿՀ-ից NEWS.am-ին հայտնում են, որ ՀՀ հանրային ծառայությունները կարգավորող հանձնաժողովի 22․04․2015թ․ №88Ն որոշմամբ հաստատված մեթոդիկայի համաձայն նշված գործընթացը կրում է պարբերական բնույթ եւ իրականացվում է յուրաքանչյուր տարի՝ սակագներում հաշվի առնելու համար ԱՄՆ դոլարի նկատմամբ ՀՀ դրամի փոխարժեքի փոփոխությունները եւ սղաճը (սպառողական գների ինդեքսը)։
Հիմք ընդունելով վերոնշյալ իրողությունը՝ հանձնաժողովը սահմանել է համապատասխան սակագները, որոնց կարելի է ծանոթանալ ԱՅՍՏԵՂ: